უმაღლესი ლიგის მეორე ტური – პრევიუ

თარიღი: აგვისტო 12, 2016

13 აგვისტოს, შაბათს სტარტს აიღებს უმაღლესი ლიგის მეორე ტური.

Fanebi.Com-ი გთავაზობთ საქართველოს ჩემპიონატის ნახსენები ტურის პრევიუს.

 “შუქურა” – “ჩიხურა”

შაბათის ერთ-ერთი პირველი შეხვედრა ქობულეთის “შუქურასა” და საჩხერის “ჩიხურას” შორის გაიმართება. აღნიშნული მატში “ჩელე არენაზე” 17:30 საათზე აიღებს სტარტს. აჭარლებმა პირველი თამაში ქუთაისში, ადგილობრივ “ტორპედოსთან” ჩაატარეს და უგოლო ფრეს მიაღწიეს. “შუქურა” ამ მომენტისთვის წითელი ჯგუფის მეხუთე ადგილზე იმყოფება ერთი ქულით. ქულების იგივე რაოდენობა აქვს “ჩიხურას”, რომელმაც წინა მატჩი საკუთარ კედლებში “ივანწმინდა არენაზე” გამართა თბილისის “დინამოს” წინააღმდეგ და საქართველოს მოქმედ ჩემპიონებთან 0-0 ითამაშა. გამომდინარე იქედან, რომ ამ ჯგუფში ყველა შეხვედრა ფრედ დასრულდა, საჩხერული კლუბი, მხოლოდ და მხოლოდ, 1 ქულით პირველ ადგილს იკავებს. მოკლედ, შაბათს გასამართ თამაშში ორივე კლუბი მიმდინარე სეზონის პირველი სამი ქულის მოპოვებას შეეცდება.

“ლოკომოტივი” – “ტორპედო”

უმაღლესი ლიგის კიდევ ერთი მატჩი, რომელიც იმავე დღესა და საათზე გაიმართება, “ლოკომოტივისა” და “ტორპედოს” დაპირისპირებაა. წინა ტურში თბილისლებს უქმობამ მოუწიათ და, შესაბამისად, ისინი თეთრი ჯგუფის ბოლო პოზიციაზე იმყოფებიან. საინტერესოა, როგორ ჩაერთვება ეს გუნდი ახალ სეზონში. ხოლო, “ტორპედომ”, როგორც უკვე ვთქვით, პირველ მატჩში “შუქურასთან ფრედ ითამაშა და ეს კლუბი მეექვსე პოზიციაზეა. ვნახოთ, მოიპოვებს თუ არა იმერული ფეხბურთის ფლაგმანი გამარჯვებას აღნიშნულ თამაშში.

“დინამო” (თბ) – “გურია”

შაბათის დღის დასკვნითი შეხვედრა თბილისის “დინამოსა” და ლანჩხუთის “გურიას” შორის 20:00 საათზე გაიმართება. დედაქალაქურმა კლუბმა პირველ ტურში უგოლო ფრე ითამაშა სტუმრად “ჩიხურასთან” და 1 ქულით თეთრი ჯგუფის მეორე ადგილზეა. აღსანიშნავია, რომ ლანჩხუთლებთან დაპირისპირებიდან 5 დღეში, 18 აგვისტოს “დინამო არენაზე” თბილისური გუნდი პაოკ-ს უნდა შეხვდეს. აქედან გამომდინარე, შესაძლოა, “დინამოელთა” მთავარმა მწვრთნელმა, იურაი იარაბეკმა რამდენიმე ფეხბურთელი დაასვენოს. სწორედ ეს აძლევს გურულებს იმის შანსს, რომ მინიმუმ ფრისთვის იბრძოლონ. “გურიამ” წინა ტურში “ცხინვალის” წინააღმდეგ იასპარეზა საკუთარ მოედანზე. ეს მატჩიც 0-0 დასრულდა. ამ მომენტისთვის ლანჩხუთის გუნდი მეოთხე პოზიციაზე იმყოფება მას 1 ქულა აქვს.

“დილა” – “ზუგდიდი”

გადავიდეთ წითელ ჯგუფში გასამართ შეხვედრებზე, რომლებიც კვირას ჩატარდება. ერთ-ერთ მათგანში გორის “დილა” ზუგდიდის “ზუგდიდს” დაეჯახება 17:30 საათზე. გორელებმა წინა ტურში დაისვენეს და, შესაბამისად, 0 ქულით მეხუთე ადგილზე არიან. რაც შეეხებათ მეგრელებს, ისინი პირველ ტურში თავიანთ მოედანზე ფოთის “კოლხეთთან” დამარცხდნენ. სწორედ იმ თამაშში გავიდა 2016/2017 წლების სეზონის უმაღლესი ლიგის პირველი გოლი, რომლის ავტორი ფოთელთა ფეხბურთელი, გოგონაიაა. მან 26-ე წუთზე პენალტით მოახერხა “ზუგდიდის” კარის აღება. მოკლედ, ამ გუნდს 0 ქულა აქვს და წითელ ჯგუფში მეშვიდე პოზიციაზე იმყოფება. საინტერესოა, მოახერხებს თუ არა “ზუგდიდი” პირველი სამი ქულის მოპოვებას მიმდინარე სეზონში.

“სამტრედია” – “სიონი”

ეს მატჩი კვირას, 17:30 საათზე სამტრედიაში, ეროსი მანჯგალაძის სახელობის სტადიონზე ჩატარდება. მასპინძლებმა წინა თამაში სტუმრად “ჩელე არენაზე”, ბათუმის “დინამოს” წინააღმდეგ ჩაატარეს. იმ შეხვედრაში გუნდებმა თითო-თითო ბურთი გაცვალეს და, საბოლოოდ, ტაბლოზე 1-1 დააფიქსირეს. ამჟამად, სამტრედიული კლუბი ერთი ქულით წითელი ჯგუფის მესამე პოზიციაზე იმყოფება. რაც შეეხება “სიონს”… ბოლნისლები პირველ დაპირისპირებაში თამაზ სტეფანიას სახელობის სტადიონზე “საბურთალოსთან” ანგარიშით – 1-2 დამარცხდნენ და 0 ქულით მეექვსე ადგილს იკავებენ. ერთი სიტყვით, რომელმა კლუბმაც არ უნდა გაიმარჯვოს, ეს მისი პირველი სამი ქულა იქნება მიმდინარე სეზონში.

“კოლხეთი” – “დინამო” (ბთ)

ბოლო მატჩი, რომელიც უმაღლესი ლიგის მეორე ტურში გაიმართება, “კოლხეთისა” და ბათუმის “დინამოს” დაპირისპირებაა. ეს თამაშიც 17:30 საათზე აიღებს სტარტს. როგორც უკვე ვთქვით, “კოლხეთმა” პირველი მატჩი სტუმრად ზუგდიდში მოიგო და ამჟამად მეორე ადგილზე იმყოფება. ხოლო, ბათუმურმა კლუბმა წინა კვირაში, ქობულეთში 1-1 ითამაშა “სამტრედიასთან” და მეოთხე პოზიციას იკავებს. ეს შეხვედრაც, ნამდვილად, საინტერესო უნდა გამოვიდეს.

 

 

 

მსგავსი სიახლეები
ფეხბურთი

ნეიმარი: “წარმოუდგენელიც კი იყო, რომ ნახევარფინალში ვერ გავსულიყავით”

“პარი სენ-ჟერმენის” ლიდერმა, ნეიმარმა ჩემპიონთა ლიგის მეოთხედფინალში “ატალანტასთან” გამარჯვების (2:1) შემდეგ კომენტარი გააკეთა...
წაკითხვა
ფეხბურთი

ნეიმარმა ჩემპიონთა ლიგაზე რეკორდი დაამყარა

12 აგვისტოს ჩემპიონთა ლიგის მეოთხედფინალში “პარი სენ-ჟერმენი” “ატალანტას” დაუპირისპირდა და მეტოქე 2:1 დაამარცხა. ამ შეხვედრაში...
წაკითხვა
ფეხბურთი

“პსჟ”-მა “ატალანტა” დრამატულ ბრძოლაში დაამარცხა და ნახევარფინალში

“ეშტადიუ დუ ბენფიკაზე” ბერგამოს “ატალანტასა” და “პარი სენ-ჟერმენს” შორის ჩემპიონთა ლიგის მეოთხედფინალური ეტაპის შე...
წაკითხვა
ფეხბურთი

ოფიციალურად: ლიხშტაინერმა კარიერა დაასრულა

ტურინის “იუვენტუსის”, ლონდონის “არსენალისა” და შვეიცარიის საფეხბურთო ნაკრების ყოფილმა მცველმა, შტეფან ლიხშტაინერმა, ფეხბურთელი...
წაკითხვა
ფეხბურთი

ედეგორი “რაელს” დროზე ადრე დაუბრუნდა

“რეალ სოსიედადის” ოფიციალური ვებ-გვერდი ადასტურებს ინფორმაციას, რომლის მიხედვითაც, მადრიდის “რეალმა” მარტინ ედეგორის ორწლიანი ...
წაკითხვა
ფეხბურთი

“ატლეტიკში” კორონავირუსის ექვსი შემთხვევა დადასტურდა

ბილბაოს “ატლეტიკში” კორონავირუსული ინფექციის ექვსი შემთხვევა დადასტურდა. “ატლეტიკის” მიერ გამოქვეყნებულ ოფიციალურ განცხადებაში...
წაკითხვა
ფეხბურთი

დე რონი: “თუ ჩემპიონთა ლიგას მოვიგებთ, 1000 ადამიანს პიცას შევუძენ”

ბერგამოს “ატალანტას” ნახევარმცველმა, მარტენ დე რონმა განაცხადა, რომ თუ მისი გუნდი ჩემპიონთა ლიგას მოიგებს, ის […]...
წაკითხვა
ფეხბურთი

ადამა ტრაორეს დრიბლინგი “სევილიასთან” მატჩში (ვიდეო)

11 აგვისტოს, ევროპის ლიგის მეოთხედფინალში “ვულვზი” “სევილიას” დაუპირისპირდა და ანგარიშით 0:1 დამარცხდა. მატჩის მიმდინარეობისას...
წაკითხვა
ფეხბურთი

“ბარსელონას” ფეხბურთელს კორონავირუსი დაუდასტურდა

“ბარსელონას” პრესსამსახური იუწყება, რომ გუნდის ცხრიდან ერთ ფეხბურთელს კორონავირუსული ინფექცია დაუდასტურდა. აღნიშნულ მოთამაშეს დღეს ძირითად...
წაკითხვა
ფეხბურთი

ხვიჩა კვარაცხელიას ბრწყინვალე რეიდი მოსკოვის “ლოკომოტივთან” მატჩში (ვიდეო)

11 აგვისტოს, რუსეთის პრემიერ ლიგის პირველ ტურში ყაზანის “რუბინმა” საკუთარ მოედანზე მოსკოვის “ლოკომოტივი” მიიღო და […]...
წაკითხვა
ფეხბურთი

შინაპატიმრობაში მყოფი რონალდინიო წვეულებებს აწყობს

პარაგვაის ერთ-ერთ სატუმროში, შინაპატიმრობაში მყოფი რონალდინიო წვეულებებს აწყობს, სადაც მოდელებს პატიჟებს. როგორც იცით, ლეგენდარული ბრაზილიელი [&hellip...
წაკითხვა
ფეხბურთი

“არც ერთი ჩვენგანი არ დაგივიწყებს არასდროს!” – დავითაშვილმა და კვარაცხელ

ყაზანის “რუბინის” ქართველმა ფეხბურთელებმა – ხვიჩა კვარაცხელიამ და ზურიკო დავითაშვილმა გიორგი შაქარაშვილის ხსოვნას პატივი სპეციალური ...
წაკითხვა
ფეხბურთი

დღის მთავარი სატრანსფერო ამბები – 11 აგვისტო

“ჩელსი” და “ბარსა” ტალიაფიკოს ტრანსფერისთვის იბრძვიან ლონდონის “ჩელსის” ხელმძღვანელები კატალონიის “ბარსელონა...
წაკითხვა
ფეხბურთი

რუსეთის ნაკრების ყოფილმა კაპიტანმა სამოყვარულო ლიგაში მსაჯი სცემა (ვიდეო)

რუსეთის სამოყვარულო ლიგის მატჩში 39 წლის რომან შიროკოვმა მსაჯი სცემა. ინციდენტი მას შემდეგ დაიწყო, რაც […]...
წაკითხვა