უნაი ემერიმ “არსენალის” კაპიტნები დაასახელა

ლონდონის “არსენალს” ამ სეზონში ფრანგი მცველი ლორან კოსელნი უკაპიტნებს. “მეთოფეთა” მთავარმა მწვრთნელმა უნაი ემერიმ გუნდის ოთხი ვიცეპკაპიტანიც დაასახელა.

“გუნდის კაპიტანი კოსელნი იქნება. ვიცეკაპიტნები პეტრ ჩეხი, აარონ რემსი, მესუთ იოზილი და გრანიტ ჯაკა იქნებიან. მინდა, რომ გუნდში იყვნენ ლიდერები, ფეხბურთელებმა თავიანთი ლიდერული თვისებები გამოავლინონ”, – ციტირებს ემერის სიტყვებს კლუბის ოფიციალური ვებგვერდი.

ლორან კოსელნიმ გასულ სეზონში “არსენალის” ფორმით ყველა ტურნირზე ერთად 33 მატჩი ჩაატარა და ორი გოლი გაიტანა. ფრანგი ფეხბურთელი “მეთოფეთა” ღირსებას 2010 წლიდან იცავს.