უოკერმა ფანებს საკარანტინო წესების დაცვისაკენ მოუწოდა, თავად კი სახლში მეძავები მიიყვანა

“მანჩესტერ სიტის” მცველი კაილ უოკერი შარში გაეხვა. ინგლისელმა ფეხბურთელმა საკარანტინო პერიოდის დროს სახლში მეძავები მიიყვანა, რის გამოც დაჯარიმდება.

კაილ უოკერმა სოციალურ ქსელში გულშემატკივრებს მიმართა და მათ ახალი კორონავირუსით გამოწვეულ ინფექციასთან დაკავშირებული რეკომენდაციების დაცვისაკენ მოუწოდა, თავად კი სახლში მეძავები გამოიძახა. ფეხბურთელი შინ მეგობართან ერთად იმყოფებოდა. მან ვინაობის დამალვა სცადა და გოგონებს სხვა სახელით გაეცნო, თუმცა ერთ-ერთმა მათგანმა ის ამოიცნო და ფოტოსურათების გადაღებაც მოახერხა.

კაილ უოკერმა მომხდარის გამო საჯარო ბოდიში მოიხადა, თუმცა ჯარიმის გადახდა მაინც მოუწევს.