ვაისი: “ჩაკვეტაძე მსოფლიოს ერთ-ერთი საუკეთესო ტალანტია, მას უნდა გავუფრთხილდეთ”
ყაზახეთის ნაკრებთან ჩატარებული ბრწყინვალე მატჩის შემდეგ საქართველოს ნაკრების მთავარმა მწვრთნელმა ვლადიმერ ვაისმა გიორგი ჩაკვეტაძეზე ისაუბრა, რომლის გადაბირებითაც კატალონიის “ბარსელონა” გახლავთ დაინტერესებული.
“გიორგი ჩაკვეტაძე ჯერ კიდევ ახალგაზრდა ბიჭია უდიდესი პოტენციალით. არ მინდა მასზე საუბრისას თანხა ვახსენო, თუმცა ვფიქრობ, რომ ძალიან კარგი გადაწყვეტილება მიიღო, როდესაც საქართველოდან ბელგიურ “გენტში” გადავიდა. ვფიქრობ, რომ ის სწორი მიმართულებით ვითარდება.
მთელი გათამაშების განმავლობაში ჩაკვეტაძე გუნდის ლიდერის ფუნქციას უდიდესი პროფესიონალიზმით ასრულებდა. ცხადია, თუ გიორგი ჩაკვეტაძეს თამაშის ხარისხი კიდევ უფრო გაიზრდება, “გენტი” ვერ შეძლებს მის შენარჩუნებას და უფრო მაღალი დონის კლუბში გაყიდის.
უმჯობესი იქნება, თუ ჩაკვეტაძეს საქმეში უხეშად ნუ ჩავერევით. მართალია, ანდორასა და ლატვიის დონეზე მან წარმატებულად ითამაშა, თუმცა მომავალში მას უფრო დიდი მოწინააღმდეგეების წინააღმდეგ მოუწევს თამაში. ჩაკვეტაძე მსოფლიოს საუკეთესო ტალანტებს შორის ერთ-ერთია და ამას გაფრთხილება სჭირდება,” – აცხადებს ვლადიმერ ვაისი.
