“ვალენსიამ” მამარდაშვილის შემცვლელები შეარჩია – გატუზოს რჩეულები

როგორც ვალენსიური გამოცემა Eldesmarque იტყობინება, იმ შემთხვევაში თუ მამარდაშვილთან შეთანხმება ვერ შედგა და კონტრაქტი არ გახანგრძლივდა, მაშინ გატუზოს ინიციატივით, “ვალენსია” 2 მეკარის დამატებაზე იფიქრებს.

ესენი “ლაციოს” ყოფილი მეკარე 27 წლის ტომას სტრაკოშა და “ნაპოლის” კოლუმბიელი 33 წლის დავიდ ოსპინა არიან.

პრაქტიკულად გადაწყვეტილია, რომ “ვალენსიას” იასპერ სილესენი დატოვებს, ხოლო, ამერიკული “ჩიკაგოს” ახალგაზრდა გოლკიპერი გაბრიელ სლონინა კი მადრიდის “რეალს” ირჩევს და “ვალენსიაში” წასვლას არ აპირებს.

მე-2 გამოცემა, deportevalenciano აღნიშნავს და გილამონი-მამარდაშვილის კონტრაქტების საკითხს სტატიას უძღვნის.

მათი აზრით, აუცილებელია ქართველის ხელშეკრულების გამოსასყიდი თანხა 20-დან 100 მილიონ ევრომდე ავიდეს, რათა გუნდმა თავი დაცულად იგრძნოს.

“ღამურებმა” გიორგი თბილისის “დინამოდან” სულ რაღაც 850 ათას ევროდ დაიმატეს.