“ვალენსიას” ფანები მამარდაშვილის დარჩენას კატეგორიულად მოითხოვენ! 70 მილიონი?

“ვალენსიას” მთავარმა მწვრთნელმა ხოსე ბორდალასმა ჟურნალისტებთან საუბრისას განაცხადა, რომ გუნდს ფინანსური კრიზისის მოსაგვარებლად 70 მილიონი სჭირდება.

“ვალენსიას” ფანებმა ამ ინფორმაციის გაგების შემდეგ სხვადასხვა სქემების შემუშავება დაიწყეს, რადგან ფიქრობენ, რომ ხელმძღვანელობა 70 მილიონის შოვნას სწორედ ფეხბურთელების გაყიდვით აპირებს.

“მზად ვარ, გავყიდოთ გაია, სოლერი, გუედეში, რა თქმა უნდა, სილესენი, ოღონდ მამარდას ხელი არ დაედოს” – წერს ერთ-ერთი ფანი.

დაახლოებით გადაანგარიშებით – გაია 20 მილიონად ფასობს, სოლერი 25-ად, გუედეში კი 35-ად. ეს თანხა სრულად ეყოფა ვალებს და ერთი ფეხბურთელის დამატებაც მოხერხდება. იმ ფონზე, თუ სილესენისგან კლუბი 7-10 მილიონს მაინც მიიღებს, შესაძლოა, უკვე 2 ახალი მოთამაშეც გამოვიდეს.

“ვალენსიას” ფანების მხოლოდ მცირე ნაწილი ფიქრობს ქართველის გასხვისებაზე. უფრო მეტად, ის ფაქტი მოსწონთ, რომ გიორგი მხოლოდ 850 ათას ევროდ შეიძინეს და შეუძლიათ, მასში გაღებული თანხა ათმაგად და ოცმაგად ამოიღონ.

“არ მისცეთ მათ ასეთი იდეები” – წერს ის ხალხი, რომელთათვის მამარდა “ვალენსიას” მომავალი და 10 წლის განმავლობაში შეუცვლელი კიპერია.

ყველაფერი ზაფხულში გაირკვევა, როცა სეზონი დასრულდება და “ვალენსია” მომავალი წლის ბიუჯეტის გეგმას დადებს.