ვალვერდე “სევილიასთან” მატჩამდე: “გამოწვევებისთვის მზად ვართ”
კატალონიის “ბარსელონას” მთავარმა მწვრთნელმა, ერნესტო ვალვერდემ, “სევილიასთან” გასამართ საგარეო მატჩამდე პრესასთან ისაუბრა. ინტერვიუში მან “ლურჯ-ბროწეულისფერთა” მიერ შანსების გამოუყენლობაზეც ისაუბრა.
“მართალია, რამდენიმე მატჩში ჩვენ მიერ შექმნილი მომენტების დაგვირგვინებას ვერ ვახერხებდით, თუმცა ისიც მნიშვნელოვანია, რომ ბევრი სახიფათო მომენტის შექმნა მოვახერხეთ. ჩვენ გამოწვევებისთვის მზად ვართ.
არ ვიცი რა გითხრათ. ზოგჯერ შედეგი გვაჩვენებს, რომ რაღაც სირთულეები არსებობს. “ლიონთან” მატჩში (0-0) ბევრი შანსი შევქმენით, თუმცა მათი გარდასახვა ვერ შევძელით, რაც სამწუხაროა. ვფიქრობ, თუ შანსების შექმნას გავაგრძელებს, გოლები თავისით მოვა.
ხვალ უმნიშვნელოვანესი მატჩი გველის – ვეთამაშებით ძლიერ გუნდს, რომლის დამარცხებაც გასვლაზე განსაკუთრებულად რთულია. ჩვენი მიზანი ლა ლიგაში მოპოვებული ჰანდიკაპის გაზრდაა და ამისთვის ბოლომდე დავიხარჯებით,” – აცხადებს ვალვერდე.
