ვან დერ ვაარტი: “ჩემპიონთა ლიგაზე “სიტის” შეჩერება მხოლოდ ერთ კლუბს შეუძლია”

მადრიდის “რეალის” ყოფილი ფეხბურთელი, რაფაელ ვან დერ ვაარტი თვლის, რომ წლევანდელ სეზონში ჩემპიონთა ლიგაზე “მანჩესტერ სიტის” დამარცხება მხოლოდ ერთ კლუბს შეუძლია და ეს კლუბი – მადრიდის “რეალია”.

“დღესდღეობით ხალხი “მანჩესტერ სიტის” ქებითაა დაკავებული და ამავდროულად “არსენალს” ლანძღავენ. თუმცა, უნდა გავითვალისწინოთ, რომ პეპმა 500 მილიონი დახარჯა და ის ფაქტი, რომ “სიტი” ერთ-ერთი ფავორიტია, სრულიად მისაღებია.

ვფიქრობ, ჩემპიონთა ლიგაზე მათი დამარცხების ძალა მხოლოდ “რეალს” შესწევს. მადრიდელები ფანტასტიკური ფეხბურთელებით არიან დაკომპლექტებულები და უკვე შეძლეს ფულიანი “პარი სენ-ჟერმენის” დამარცხება.

“რეალს” შეუძლია, კიდევ ერთხელ მოიგოს ეს ტურნირი, რაც მოულოდნელი სულაც არ იქნება. ცოტა არ იყოს გაკვირვებული ვარ, ლა ლიგა ასე ადვილად რომ დათმეს,” – აცხადებს ვან დერ ვაარტი.