ვან გაალი: “გეი ფეხბურთელები ყოველთვის უფრო კრეატიულები არიან”
“ბარსელონას”, “ბაიერნისა” და “მანჩესტერ იუნაიტედის” ყოფილმა მწვრთნელმა, ლუი ვან გაალმა, ფეხბურთში არსებულ ჰომოფობიის პრობლემაზე ისაუბრა.
“ჩემთვის არცერთ ფეხბურთელს არ უთქვამს – “გეი ვარ” და ეს ბევრ რამზე მეტყველებს. ზოგჯერ ვფიქრობდი, თუ რომელი ფეხბურთელი შეიძლება ყოფილიყო ჰომოსექსუალი. თუმცა თუ მათ ამ თემაზე გახსნა არ სურთ, მე არ დავაძალებ. სხვა შემთხვევაში კი მათ სრულად დავიცავ.
მე მხარს დავუჭერ იმ ფეხბურთელებს, რომლებიც ამ თემაზე საჯაროდ ალაპარაკდებიან. ამისათვის ძალიან დიდი სიძლიერე და კაცობაა საჭირო.
ხშირად შემიმჩნევია და შესაძლოა, გიჟურადაც ჩანდეს, მაგრამ გეი ფეხბურთელები ყოველთვის უფრ კრეატიულები არიან. ეს თვისება კი ფეხბურთში ძალიან ფასობს,” – აცხადებს 68 წლის სპეციალისტი GayKrant-თან საუბრისას.