ვან გაალი: ”მანჩესტერ იუნაიტედში” მძიმე სამუშაო მაქვს გასაწევი”
”მანჩესტერ იუნაიტედის” მთავარი მწვრთნელი ლუი ვან გაალი გუნდში არსებულ პრობლემებზე საუბრობს. იგი თვლის, რომ ამ კრიზისიდან გამოსვლა არ არის ადვილი.
”ლესტერ სიტისთან” განცდილი მარცხის შემდეგ ”წითელი ეშმაკებს” მედიაში კვლავ აკრიტიკებენ. მწვრთნელმა ასევე ფეხბურთელების დანაკლისზე ისაუბრა. დაცვის ხაზში სმოლინგის და ევანსის არყოფნა გუნდისთვის დიდი დანაკლისია.
ჟურნალისტებმა ხაზი გაუსვეს ჰოლანდიელის დიდებულ სამწვრთნელო კარიერას. პასუხად კი მიიღეს:
”ყველაფერი შესაძლებელია, მაგრამ მინდა შეგახსენოთ, რომ 9 ფეხბურთელის არყოფნა დიდი დანაკლისია”.
”მწვრთნელისთვის ეს დიდი გამოწვევაა. გამარჯვების მოსაპოვებლად უდიდესი სირთულეების დაძლევაა საჭირო. ჩვენ ურთულეს პირობებში ვიმყოფებით, მაგრამ გამარჯვება შეგვიძლია”.
შეგახსენებთ, რომ სმოლინგი და ევანსი შემდეგ მატჩსაც გამოტოვებენ.
