ვან გაალი: “პედრო სწორედ ისაა, ვინც ჩვენ გვჭირდება”
თარიღი: აგვისტო 14, 2015
“მანჩესტერ იუნაიტედის” მთავარმა მწვრთნელმა ლუი ვან გაალმა ღიად განაცხადა, რომ “ბარსელონას” ფორვარდ პედრო როდრიგესის დამატება სურს, თუმცა იქვე დაამატა, რომ ტრანსფერი ჯერ არ განხორციელებულა.
“შემიძლია გითხრათ, რომ პროცესი მიმდინარეობს. რაიმე მინიშნებებს არ გავაკეთებ მანამ, სანამ ტრანსფერი ოფიციალურად არ განხორციელდება. როდესაც ხელშეკრულებას ხელი მოეწერება, გამოვალ და გეტყვით, რომ პედრო ჩვენი გუნდის წევრი გახდა. ახლა მხოლოდ უნდა დაველოდოთ მოვლენების განვითარებას. პედრო სწორედ ის ფორვარდია, რომელიც ჩვენ გვჭირდება”, – ციტირებს ვან გაალის სიტყვებს Goal.com-ი.
ესპანეთის ჩემპიონატისა და ჩემპიონთა ლიგის გასულ გათამაშებაში პედრომ 44 მატჩი ჩაატარა, ექვსი გოლი გაიტანა და ცხრა საგოლე გადაცემა გააკეთა.
მსგავსი სიახლეები