ვან გაალი: “რუნი ჩვენთვის ძალიან დიდი დანაკლისია”
“მანჩესტერ იუნაიტედის” მთავარმა მწვრთნელმა განაცხადა, რომ მათთვის უეინ რუნი ყველაზე დიდი დანაკლისი იქნება.
შეგახსენებთ, გუშინ “ვესტ ჰემის” წინააღმდეგ მატჩის მე–5 წუთზე სწორედ, უეინმა გახსნა ანგარიში და “ეშმაკები” დააწინაურა, მეორე ტაიმში კი სტიუარტ დაუნინგთან უხეშობის გამო წითელი ბარათი მიიღო და თამაშს გამოეთიშა. ათი კაცით დარჩენილმა “იუნაიტედმა” გაჭირვებით შეინარჩუნა ანგარიში.
ახლა კი რუნი : “ევერტონის”, “ვესტ ბრომვიჩისა” და “ჩელსის” წინააღმდეგ მატჩებს გამოტოვებს. ინგლისელი ფორვარდი, მხოლოდ “მანჩესტერულ” დერბიში დაბრუნდება. მიუხედავად იმედგაცრუებისა, ვან გაალმა განაცხადა რომ რუნი წითელ ბარათს ნამდვილად იმსახურებდა.
“მე ამას პროფესიონალურ უხეშობას ვეძახი. არბიტრი სწორად მოიქცა. უეინისთვის ნამდვილად უნდა მიეცათ წითელი ბარათი. სიმართლე გითხრათ გაკვირვებული ვარ. რატომ მიიღო ასეთი გადაწყვეტილება მან? თუმცა სტუმრების მხრიდანაც არანკლებ ყოფილა ასეთი უხეშობები, მაგრამ უეინის მსგავსად არავინ დაუსჯიათ.”–განაცხადა ჰოლანდიელმა მენტორმა
