ვან გაალი: “ვიდალის ყიდვას ვცდილობდი”

“მანჩესტერ იუნაიტედის” მომავალმა მწვრთნელმა, ლუი ვან გაალიმ არტურო ვიდალიზე გააკეთა კომენტარი.

ჰოლანდიელმა სპეციალისტმა განაცხადა, რომ ჩილეს ნაკრები სერიოზული ძალაა და მათ ლიდერად ვიდალი მონათლა.

როგორც იცით, მუნდიალზე, ჯგუფში, ვან გაალის ჰოლანდია ჩილესთან, ესპანეთთან და ავსტრალიასთან ერთად მოხვდა.

“ჩილეს საკმაოდ სახიფათო ნაკრები ჰყავს. მათი ლიდერის, არტურო ვიდალის ყიდვა მე ჯერ კიდევ მაშინ მსურდა, როცა ის “ლევერკუზენში” ასპარეზობდა, თუმცა მან “იუვენტუსში” წასვლა არჩია”, – განაცხადა ვან გაალმა.

ცნობისთვის, ვიდალი ტურინში 2011 წელს გადავიდა.