ვარსკვლავური პენსია
რას საქმიანობენ კარიერის დასრულების შემდეგ წარსულში ცნობილი ფეხბურთელები.
ნიჭიერმა ბრაზილიელმა დენილსონმა საკუთარი პოტენციალის სრუფლასოვანი რეალიზება ვერ მოახერხა და ფეხბურთელის კარიერის ბოლოს ვიეტნამის და საბერძნეთის დონის ჩემპიონატებში ასპარეზობდა. ახლა თავისუფალ დროს ის რეკლამებში გადაღებას და ოჯახთან ერთად დასვენებას უთმობს.
კარიერის დასრულების შემდეგ კოლინ ჰენდრი ინგლისის და შოტლანდიის პატარა კლუბებს წარმატებულად წვრთნიდა. 2008 წელს მას ცოლი გარდაეცვალა. ბოლო დროს ჰენდრი “ბლექბერნის” ერთ-ერთ ახალგაზრდულ გუნდს წვრთნიდა.
ფაბიან ბარტეზი ფეხბურთიდან წასვლის შემდეგ ავტოსპორტში გადავიდა და FIA GT -ის ჩემპიონატში ასპარეზობს. გასულ წელს მან საფრანგეთის ჩემპიონატის მოგებაც კი შესძლო. 2013 წლის დეკემბრიდან ბარტეზ “პსჟ”-ს მეკარეთა მწვრთნელია.
ემანუელ პეტი ფეხბურთიდან არ წასულა და ამჟამად საფრანგეთში საფეხბურთო ანალიტიკოსად მუშაობს. გარდა ამისა ფრანგი ვეტერანი ქველმოქმედებასაც აქტიურად ანხორციელებს.
ბარტეზის მსგავსად კიდევ ერთი ვეტერანი მეკარე სანტიაგო კანისარესიც ავტოსპორტით დაკავდა.
ექსტრავაგანტული მექსიკელი მეკარე ხორხე კამპოსი კარიერის დასრულების შემდეგ მექსიკის ნაკრებში მეკარეთა მწვრთნელი იყო. ახლა კი ის რესტორნის მფლობელი და საფეხბურთო ანალიტიკოსია.
სტივ მაკმანამანი საჯარო პერსონად რჩება. მისი ნახვა წილისყრებზე შეიძლება. მაკმანამანი საფეხბურთო მატჩებსაც ხშირად უძღვება ტელევიზიით. სტივის თქმით სამწვრთნელო საქმიანობა მის ინტერესთა სფეროში არ შედის.
ცნობილმა იაპონელმა ფეხბურთელმა ხიდეტოში ნაკატამ მოდის ინდუსტრიაში გადაინაცვლა. იაპონელი დევიდ ბექჰემის ნახვა პოდიუმზეც ხშირად შეიძლება. ასევე ის ერთ-ერთი პოპულარული ჟურნალის რედაქტორია.
