“ვდგები ჩემთვის უმძიმესი ორი არჩევანის წინაშე” – ზურაბ დათუნაშვილი განცხადებას ავრცელებს

თარიღი: თებერვალი 3, 2019

ქართველმა მოჭიდავემ, ზურაბ დათუნაშვილმა ბოლოდროინდელ ამბებთან დაკავშირებით მორიგი განცხადება გააკეთა, რომელსაც უცვლელად გთავაზობთ:

“გამარჯობა. პირველ რიგში მინდა, ყველა ადამიანს, ვინც ამ დღეებში ჩემ მიმართ მხარდაჭერა გამოხატა კიდევ ერთხელ მადლობა გადავუხადო. ყველანაირად ვეცადე, რომ აბსოლუტურად ყველასთვის პირადად დამებრუნებინა პასუხი და მიუხედავად უამრავი წერილისა, მგონი, შევძელი. თუკი ვინმე შემთხვევით გამომრჩა, ბოდიში და მადლობა კიდევ ერთხელ რომ გულთან მიიტანეთ ჩემი პრობლემა და გამონახეთ დრო, რათა გაგემხნევებინეთ. ჩემი განსაკუთრებული გაოცება გამოიწვია იმ ადამიანების ჩართულობამ, რომლებიც სპორტთან არც კი არიან დაკავშირებულნი, თუმცა აქტიურად ჩაერთნენ ჩემი პრობლემის განხილვაში და დააფიქსირეს სწორი მოქალაქეობრივი პოზიცია – მადლობა, მეგობრებო.

მე რამდენიმე დღეა განვაახლე ინდივიდუალური ვარჯიში, თუმცა ჯერჯერობით არ ვიცი კონკრეტულად რისთვის ვემზადები, რადგან მოგეხსენებათ, საქალაქო სასამართლოს მიერ გამოტანილი აღკვეთი ღონისძიების მიხედვით ფედერაციის პრეზიდენტი დარჩა თანამდებობაზე, მე კი აქამდეც არაერთხელ აღვნიშნე, რომ ჩემი ამ ხელმძღვანელობასთან მუშაობის გაგრძელება არის შეუძლებელი. ამ მოცემულობიდან გამომდინარე ვდგები ჩემთვის უმძიმესი ორი არჩევანის წინაშე – ან დავასრულო კარიერა, ან ვიფიქრო სხვა ქვეყნის სახელით ასპარეზობაზე. ჩემთვის ჭიდაობა არის არა მხოლოდ საქმიანობა, არამედ ცხოვრების განუყოფელი ნაწილი, 21 წელზე მეტია ამ სპორტით ვარ დაკავებული და მის გარეშე არსებობა უბრალოდ არ შემიძლია. ასევე წარმოუდგენელია, ვიასპარეზო რომელიმე სხვა ქვეყნის სახელით – გულზე მქონდეს და ხელში დავიჭირო სხვა ქვეყნის დროშა, კვარცხლბეკზე დგომისას ვეღარ გავიგონო ჩემი სამშობლოს ჰიმნი და თუკი ღმერთის წყალობით მოვიპოვებ მედალს ეკუთვნოდეს რომელიმე სხვა ერს და არა ქართველ გულშემატკივარს.

თუმცა, როგორც უკვე აღვნიშნე, სამწუხაროდ, დღესდღეობით სწორედ ამ ორი უმძიმესი არჩევანის წინაშე აღმოვჩნდი. მინდა, ზემდგომ უწყებებს საქართველოს მთავრობას, უშუალოდ კი სპორტის სამინისტროს, ოლიმპიურ კომიტეტსა და პარლამენტის სპორტის კომიტეტს კიდევ ერთხელ ვთხოვო დაინტერესდნენ ჩემი პრობლემით და უფლებამოსილების ფარგლებში მიიღონ შესაბამისი გადაწყვეტილება. მთელმა ქვეყანამ ნახა, რომ ფედერაციის პრეზიდენტმა საჯაროდ დაარღვია წესდება და ჩაიდინა თანამდებობისთვის შეუფერებელი საქციელი, ასევე, ბოლო პერიოდში არაერთხელ ითქვა სხვა ტიპის დარღვევებზეც, თუმცა გეგა გეგეშიძე ამ დრომდე აგრძელებს პრეზიდენტის პოსტზე მუშაობას.

მესმის, რომ ჩემი მდგომარეობა, შესაძლოა, აღიქმება ისე როგორც ერთი სპორტსმენის პრობლემა, რომელიც მარტო აღმოჩნდა ხელმძღვანელი პირების უსამართლო მმართველობისა და ღიად გამოხატული ძალადობის პირისპირ, თუმცა მინდა აღვნიშნო, რომ არც ისე მარტო ვარ, როგორც ეს ერთი შეხედვით ჩანს და პრობლემები, რომლებიც მე გავაჟღერე არაერთ სპორტსმენს ეხება. ბევრი ნიჭიერი და პერსპექტიული ახალგაზრდა უკვე წავიდა ქვეყნიდან, ბევრიც იძულებული გახდა ჭიდაობისთვის თავი დაენებებინა და ეს პროცესი კიდევ უფრო გაღრმავდება, რაც მიგვიყვანს სავალალო შედეგებამდე. როგორც იცით, ნაკრების ერთმა ნაწილმა ღიად დაუჭირა მხარი ფედერაციის პრეზიდენტს, ამიტომ ამ ეტაპზე არ მინდა იმ სპორტსმენების დასახელება, ვინც განსხვავებულად ფიქრობს, რადგან ეს შესაძლოა აღქმული იყოს, როგორც ჭიდაობის სამყაროს ორად გახლეჩვა, რაც რეალურად ასე არაა და სინამდვილეში პრობლემები, რომელზეც ვსაუბრობ საერთოა ყველასთვის და მოჭიდავეებს ერთმანეთში არანაირი დაპირისპირება არ გვაქვს.

შესაბამისად, მინდა ყველას, ვისაც ხელეწიფება ჭიდაობის ფედერაციაში არსებული მდგომარეობის მოგვარება, მიიღოს შესაბამისი ზომები და ფედერაციას ჩამოაცილოს გეგა გეგეშიძე და მისი გარემოცვა, ხოლო თუ მიიჩნევა, რომ მას აქვს უფლებამოსილება გააგრძელოს თანამდებობაზე ყოფნა, მაშინ მირჩიეთ – დავასრულო კარიერა, თუ წავიდე ქვეყნიდან?

ასევე მინდა ვთხოვო საზოგადოებას მაქსიმალურად დაინტერესდნენ მიმდინარე პროცესით, რადგან ჭიდაობის ფედერაცია არის საჯარო უწყება, ფინანსდება სახელმწიფო ბიუჯეტიდან და თითოეულ ადამიანის წინაშე არის ანგარიშვალდებული.”

televizorebi - ტელევიზორები
მსგავსი სიახლეები
ფეხბურთი

პიკეს სააგენტოს პირველი კლიენტი აშშ-ს ღია პირველობის ჩემპიონი იქნება

კატალონიის “ბარსელონას” მცველის, ჟერარ პიკეს, კომპანია Kosmos ამიერიდან სპორტული მენეჯერების სააგენტოსაც მოიცავს. შეგახსენებთ, რომ სწორედ ...
წაკითხვა
ფეხბურთი

ლიონელ მესიმ ნონა გაფრინდაშვილს საჩუქარი გამოუგზავნა (ფოტო)

კატალონიის “ბარსელონასა” და არგენტინის ეროვნული ნაკრების კაპიტანმა, ლიონელ მესიმ ნონა გაფრინდაშვილს დაბადების დღე მიულოცა. არგენტინელმა [&...
წაკითხვა
სხვადასხვა

ქართველი სპორტსმენები, რომლებმაც ტოკიოს ოლიმპიური თამაშების ლიცენზიები უკვე მოიპოვეს

23 ივლისს ტოკიოს ოლიმპიური თამაშები დაიწყება. საქართველოს ეროვნული ოლიმპიური კომიტეტის ცნობით, 15 ივნისის მონაცემებით, ტოკიოსთვის […]...
წაკითხვა
სხვადასხვა

ზურაბ კახაბრიშვილმა ლაშა ბექაურის ჯანმრთელობის მდგომარეობაზე კომენტარი გააკეთა

საქართველოს ძიუდოისტთა ნაკრების წევრმა, ლაშა ბექაურმა მსოფლიო ჩემპიონატზე გუნდურ შეჯიბრში მონაწილეობისას ტრავმა მიიღო. საქართველოს ოლიმპიური […...
წაკითხვა
სხვადასხვა

“მცემეთ, რაც გინდა მიქენით!” – კადრები ლაშა შავდათუაშვილის ჩემპიონობის შ

8 ივნისს, საქართველოს ძიუდოისტთა ნაკრების წევრი ლაშა შავდათუაშვილი (-73კგ) მსოფლიო ჩემპიონი გახდა. ლაშა ქართული სპორტის […]...
წაკითხვა
სხვადასხვა

ჰასბულა მაგომედოვმა კონორ მაკგრეგორი გამოიწვია (ვიდეო)

ინტერნეტვარსკვლავმა, ჰასბულა მაგომედოვმა MMA-ს მებრძოლი კონორ მაკგრეგორი გამოიწვია. 18 წლის დაღესტნელი დარწმუნებულია, რომ ის კონორს […]...
წაკითხვა
სხვადასხვა

ცნობილია, იასპარეზებს თუ არა ვარლამ ლიპარტელიანი მომდევნო მსოფლიო ჩემპიონატზე

საქართველოს ძიუდოისტთა ნაკრების კაპიტანმა ვარლამ ლიპარტელიანმა ძიუდოს საერთაშორისო ფედერაციასთან ინტერვიუში განაცხადა, რომ ის კიდევ ერთ […]...
წაკითხვა
სხვადასხვა

ვარლამ ლიპარტელიანი: “მინდა, ილიას ვუთხრა, რომ…”

საქართველოს ძიუდოისტთა წევრმა, ვარლამ ლიპარტელიანმა ბუდაპეშტში გამართულ ევროპის ჩემპიონატზე ბრინჯაოს მედლის მოპოვების შემდეგ თქვა, რომ […]...
წაკითხვა
სხვადასხვა

გელა ზაალიშვილმა როი მეიერი ‘დაახრჩო’! (ვიდეო)

ძიუდოს მსოფლიო ჩემპიონატი +100კგ 1/4-ფინალი იხილეთ ვიდეო...
წაკითხვა
სხვადასხვა

ფონსეკამ მსოფლიო ჩემპიონობა ქართველებთან ერთად იზეიმა (ვიდეო)

11 ივნისს, პორტუგალიის ნაკრების წევრი ჟორჟე ფონსეკა -100კგ წონით კატეგორიაში მსოფლიო ჩემპიონი გახდა. მან ფინალში […]...
წაკითხვა
სხვადასხვა

“ეს უპატივცემულობაა მეტოქეების მიმართ!” – ლაშა ტალახაძის მორიგი საოცრება

ლაშა ტალახაძე ტოკიოს ოლიმპიური თამაშებისათვის ემზადება. ქართველმა ძალოსანმა სოციალურ ქსელში ვარჯიშის ვიდეო გამოაქვეყნა. ტალახაძემ აკვრაში […]...
წაკითხვა
სხვადასხვა

ესპანეთში დაბრუნებულ ნიკოლოზ შერაზადიშვილს ქართული ცეკვით დახვდნენ (ვიდეო)

10 ივნისს, ესპანეთის ძიუდოისტთა ნაკრების წევრი ნიკოლოზ შერაზადიშვილი კარიერაში მეორედ გახდა მსოფლიო ჩემპიონი. გამარჯვების შემდეგ, […]...
წაკითხვა
სხვადასხვა

შერაზადიშვილი: “მამაჩემი ძალიან ამაყი იქნებოდა”

ესპანეთის ძიუდოისტთა ნაკრების წევრმა, -90კგ წონით კატეგორიაში მოასპარეზე ნიკოლოზ შერაზადიშვილმა მსოფლიო ჩემპიონატის მოგების შემდეგ ესპანურ […]...
წაკითხვა
სხვადასხვა

“არ ვიმუქრები, მართლა იქნება!” – ტატო გრიგალაშვილის ემოციური კომენტარი

საქართველოს ძიუდოისტთა ნაკრების წევრმა, ტატო გრიგალაშვილმა მსოფლიოს ჩემპიონატზე ვერცხლის მედლის მოპოვების შემდეგ კომენტარი გააკეთა. როგორც […]...
წაკითხვა