ვებ ელისის თასი თბილისშია
4 დღეზე ნაკლები დრო რჩება 2014 წლის ევროპის ერთა თასისა და 2015 წლის მსოფლიო თასის ევროპული საკვალიფიკაციო რაუნდის ფინალურ მატჩამდე – ქართველი ბორჯღალოსნები vs რუმინელი მუხები.
მატჩი 15 მარტს მიხეილ მესხის სტადიონზე, თბილისის დროით 17:00 საათზე გაიმართება. ბილეთები 10 მარტიდან ყოველდღიურად იყიდება მესხის სტადიონის სალაროებში. ბილეთების შეძენა 11:00 საათიდან 19:00 საათის ჩათვლით არის შესაძლებელი და მათი ფასი 3 და 5 ლარს შეადგენს.
ვებ ელისის თასი
მატჩის დიდი მნიშვნელობიდან გამომდინარე, რაგბის საერთაშორისო საბჭოსა და მსოფლიო თასის საორგანიზაციო კომიტეტის გადაწყვეტილებით, თბილისში სარაგბო სამყაროს ყველაზე მნიშვნელოვანი ტროფი – ვებ ელისის თასი ჩამოიტანეს.
ცხადია რაგბის ქომაგებს ძალიან დიდი სურვილი ექნებათ რაგბის მსოფლიო თასის ნახვისა და ფოტოს გადაღების. აქედან გამომდინარე, გაწვდით ვებ ელისის თასთან დაკავშირებულ ღონისძიებათა განრიგს
თასის თბილისური მოგზაურობა
12 მარტი
12:00 საათზე ვებ ელისის თას მიიტანენ კიკეთში, იაკობ გოგებაშვილის სახელობის სარაგბო სკოლაში;
14:00 საათიდან 18:00 საათის ჩათვლით, მსურველებს ვებ ელისის თასის ნახვა და ფოტოს გადაღება საქართველოს სპორტისა და ახალგაზრდობის საქმეთა სამინისტროს სპორტის მუზეუმში შეეძლებათ;
13 მარტი
10:00 საათიდან 10:25 საათამდე, თასის ნახვა და შესაბამისად ფოტოების გადაღება შევარდენის სანაკრებო ბაზაზე იქნება შესაძლებელი. 10:30 საათზე კი დაიწყება ბორჯღალოსნების ღია ვარჯიში, რომელზეც მედია საშუალებების წარომადგენლებს ფოტო-ვიდეო გადაღების წარმოება დაწყებიდან 10 წუთის განმავლობაში შეეძლებათ.
კაპიტნის ვარჯიში
14 მარტი
მატჩამდე ერთი დღით ადრე გუნდები, მესხის სტადიონზე ტრადიციულ კაპიტნის ვარჯიშსა და წინა სამატჩო პრეს-კონფერენციებს გამართავენ, რომელზეც ასევე იქნება შესაძლებელი ვებ ელისის თასის ნახვა
რუმინეთის ნაკრების ვარჯიში 15:00 საათზე დაიწყება, ხოლო პრესკონფერენციას კი 16:15 საათზე გამართავენ;
ბორჯღალოსნების პრესკონფერენცია 16:30 საათზე დაიწყება, ხოლო ვარჯიშს 17:00 საათზე დაიწყებენ.
მედია საშუალებების წარმომადგენლებს ორივე საქართველოსა და რუმინეთის ნაკრები გუნდების კაპიტნის ვარჯიშისას ფოტო-ვიდეო გადაღება შეეძლებათ პირველი 15 წუთის განმვალობაში.
Rugby.GE
