ვენგერი: “არსენალის” ეს შემადგენლობა პრემიერლიგას მოიგებს”
ლონდონის “არსენალის” მთავარმა მწვრთნელმა არსენ ვენგერმა გუნდის ჩემპიონთა ლიგის ზონის მიღმა დარჩენისა და საკუთარი მომავლის შესახებ ისაუბრა.
“მე მიყვარს “არსენალი” და ამაში ეჭვი არავის უნდა შეეპაროს. კარიერის განმავლობაში ბევრ სხვა კლუბს ვუთხარი უარი. უკანასკნელი თვეების განმავლობაში საშინელ სიტუაციაში აღმოვჩნდით, მაგრამ ჩვენი ხასიათი წარმოვაჩინეთ.
დარწმუნებული ვარ, რომ “არსენალის” ეს შემადგენლობა მომავალ სეზონში ან ცოტა მოგვიანებით პრემიერლიგას მოიგებს. გუნდში უძლიერესი ფეხბურთელები არიან თავმოყრილნი და მთავარია, რომ დღევანდელი შემადგენლობა შენარჩუნდეს.
ამ სეზონში დეკემბრამდე ტიტულისთვის ვიბრძოდით, მაგრამ შემდეგ დაღმასვლა გვქონდა. დამიჯერეთ, ამ წარუმატებლობის მიზეზი ჩვენი ფეხბურთელების დონე არ არის. საკუთარ მომავალზე “არსენალის” ხელმძღვანელობას ინგლისის თასის ფინალის შემდეგ დაველაპარაკები”, – ციტირებს ვენგერის სიტყვებს “ბიბისი”.
