ვენგერს ბელორუსი რუსეთში აერია
თარიღი: სექტემბერი 11, 2016
ლონდონის “არსენალის” მთავარმა მწვრთნელმა არსენ ვენგერმა ინგლისის პრემიერლიგის IV ტურში “საუთჰემპტონის” წინააღმდეგ გამართული მატჩის (2:1) შემდეგ გუნდის მცველი ლორან კოსელნი შეაქო, რომელმაც გამათანაბრებელი გოლი გაიტანა.
“კოსელნის წინაშე ქედს ვიხრი. იგი რუსეთიდან ხუთშაბათს დაბრუნდა და უკვე შაბათს გოლის გატანა შეძლო, თან იმ დროს, როდესაც ვაგებდით. ეს ფანტასტიურია”, – ციტირებს ვენგერის სიტყვებს “ბიბისი”.
“არსენალის” ფრანგ თავკაცს ბელორუსი რუსეთში აერია. სინამდვილეში კოსელნიმ საფრანგეთის ეროვნულ გუნდთან ერთად ბორისოვში ბელორუსიის ნაკრების წინააღმდეგ (0:0) ითამაშა.
მსგავსი სიახლეები