ვიდალი: “ბაიერნი” “იუვენტუსზე” გაცილებით ძლიერია”

ჩილელი ნახევარმცველი თავის ყოფილ და ამჟამინდელ კლუბზე საუბრობს.

მოგეხსენებათ, გასული ზაფხულის სატრანსფერო ფანჯრის პერიოდში, არტურო ვიდალმა “იუვენტუსის” შემადგენლობა დატოვა და მიუნხენის “ბაიერნს” დაახლოებით 40 მილიონი ევროს სანაცვლოდ შეუერთდა. ამ დროის განმავლობაში მან ბუნდესლიგაში 13 მატჩის ჩატარება მოასწრო და მეტოქეთა კარი ორჯერ აიღო.

“ამ ეტაპზე “ბაიერნი” გაცილებით უფრო ძლიერი გუნდია, ვიდრე “იუვენტუსი”, – აცხადებს არტურო ვიდალი.

“თანამედროვეობის რამდენიმე საუკეთესო ფეხბურთელი სწორედ აქ, მიუნხენში თამაშობს და მინდა, მათ წარმატების მიღწევაში დავეხმარო. რა თქმა უნდა, ცუდი გუნდი არც “იუვენტუსია”, მაგრამ ამ ორ გუნდს შორის განსხვავება ნამდვილად არსებობს”.

“ტურინში კარგად ვიყავი, მაგრამ მიუნხენში თავს ისე ვგრძნობ, როგორც საკუთარ სახლში”, – დაასრულა ჩილელმა.

შეგახსენებთ, იტალიის მოქმედ ჩემპიონთა რიგებში ვიდალმა ოთხი სეზონი გაატარა, რა დროშიც მან 171 შეხვედრა გამართა და 47 ბურთი გაიტანა.