ვილანოვას გარდაცვალების გამო მოურინიომ ღრმა მწუხარება გამოთქვა
თარიღი: აპრილი 25, 2014
მსოფლიო საფეხბურთო საზოგადოება შეძრა ტიტო ვილანოვას გარდაცვალებამ. უკვე კეთდება კომენტარები აღნიშნულ სამწუხარო ფაქტთან დაკავშირებით. ერთ-ერთი პირველი, რომელმაც ვილანოვას გარდაცვალების გამო მწუხარება გამოთქვა, ლონდონის „ჩელსის“ მთავარი მწვრთნელი ჟოზე მოურინიოა.
„ვილანოვას სიკვდილი მთელი საფეხბურთო საზოგადოებისთვის, „ბარსელონასთვის“ და რაც მთავარია, მისი ოჯახისთვის და მეგობრებისთვის სამწუხარო მოვლენაა.
„ჩელსის“ სახელით ღრმა მწუხარებას გამოვთქვამ“, – ციტირებს მოურინიოს სიტყვებს „ჩელსის“ ოფიციალური ვებ-გვერდი.
შეგახსენებთ, რომ ტიტო ვილანოვა დღეს 45 წლის ასაკში გარდაიცვალა.
მსგავსი სიახლეები