ვილაშ-ბოაში: „ახლანდელი იტალიის ნაკრები სანახაობრივ ფეხბურთს აჩვენებს“
ფეხბურთის პორტუგალიელმა სპეციალისტმა ანდრე ვილაშ-ბოაშმა იტალიის ნაკრებისა და სერია А-ს შესახებ ისაუბრა.
„ჩეზარე პრანდელიმ იტალიის ნაკრების კლასიკურ სტილში ცვლილება შეიტანა, რითაც დაამტკიცა, რომ იტალიელებს მხოლოდ „კატენაჩოს“ გამოყენებით თამაში არ შეუძლიათ. თანამედროვე იტალიის ნაკრები კარგ ფეხბურთს უჩვენებს, ღიად და თამამად უტევს. ვფიქრობ, ფეხბურთი სწორედ ასე უნდა ითამაშო. იმედი მაქვს, იტალიელები თავს კარგად წარმოაჩენენ.
90-იან წლებში სერია А მსოფლიოს მასშტაბით საუკეთესო ლიგა იყო, თუმცა მოგვიანებით სკანდალებმა და ფინანსურმა პრობლემებმა მისი დონე დაბლა დასწია. იტალიის ჩემპიონატი ძველ პოზიციებს იბრუნებს. ერთობ სასიამოვნო სანახავია „რომას“ და „ნაპოლის“ თამაშების ხილვა, ჩემპიონთა ლიგაზე „მილანის“ ასპარეზობა და „იუვენტუსის“ პროგრესი“, – ვილაშ-ბოაშის სიტყვები „ლა გაძეტა დელო სპორტმა“ გამოაქვეყნა.
ბექა დოგრაშვილი
