ვინ იქნება ხვალ – 24 ივლისი ტოკიოს ოლიმპიურ თამაშებზე
დღეს, 23 ივლისს ტოკიოს 2020 წლის ოლიმპიური თამაშები ოფიციალურად გაიხსნა. ხვალიდან ქართველი სპორტსმენები ასპარეზობას დაიწყებენ. 24 ივლისს ტოკიოს ოლიმპიადაზე ხუთი სპორტსმენით წარვსდგებით. საქართველოში ოლიმპიური თამაშების ტრანსლაციას საზოგადოებრივი მაუწყებელი გვთავაზობს.
24 ივლისი
ლუხუმ ჩხვიმიანი (ძიუდო, -60კგ)
ძიუდოს ტურნირი საქართველოს დროით დილის 06:00 საათზე დაიწყება. ლუხუმი ასპარეზობას 1/8-ფინალიდან დაიწყებს. მისი პირველი მეტოქე ბრიტანელ ეშლი მაკკენზისა და აზერბაიჯანელ ქარამათ ჰუსეინოვს შორის გამარჯვებული იქნება.
ნიკოლოზ ბასილაშვილი (ჩოგბურთი)
ოლიმპიური თამაშების პირველ წრეში ბასილაშვილის მეტოქე ესპანელი რობერტო კარბალეს ბაენა იქნება. შეხვედრა საქართველოს დროით 07:30 საათზე ჩანიშნული, თუმცა არ არის გამორიცხული მატჩის დაწყების დრომ გადაიწიოს.
სანდრო ბაზაძე (ფარიკაობა)
ხმლით ფარიკაობის ტურნირი საქართველოს დროით 04:30 საათზე იღებს სტარტს. სანდრო ბაზაძე პირველ შეხვედრას ეგვიპტელ მოჰაბ სამერთან გამართავს და ის 08:10 საათზე დაიწყება.
ესკერხან მადიევი (კრივი, 69კგ)
საქართველოს მოკრივეთა ნაკრების წევრი ესკერხან მადიევი პირველ შეხვედრას აზერბაიჯანის წარმომადგენელ ლორენცო სოტომაიორ კოლაცოსთან გამართავს. ეს დაპირისპირება 14:54 საათზე დაიწყება.
ირაკლი რევიშვილი (ცურვა – 400 მ, თავისუფალი სტილი)
ირაკლი რევიშვილი საკვალიფიკაციო ეტაპზე გაცურვას საქართველოს დროით 14:44 წუთზე დაიწყება.
იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:
ფეისბუქ გვერდს საქართველო ოლიმპიურ თამაშებზე
Fanebi.Com-ის ვებ-გვერდს
ფეისბუქ გვერდს FANEBI.COM
