ვინ იქნება ხვალ – 26 ივლისი ტოკიოს ოლიმპიურ თამაშებზე
ხვალ, 26 ივლისს, ტოკიოს ოლიმპიურ თამაშებზე საქართველოს დელეგაციის ხუთი წარმომადგენელი იასპარეზებს. მედლების მოპოვებას შეეცდებიან ძიუდოისტები, ჩოგბურთელი ბასილაშვილი და მოკრივეები კი მომდევნო ეტაპებზე გასვლისათვის იბრძოლებენ.
26 ივლისი
ეთერ ლიპარტელიანი (ძიუდო, -57კგ)
ხვალ ქართველი სპორტსმენებიდან პირველი ეთერ ლიპარტელიანი იასპარეზებს. ძიუდოს ტურნირი 06:00 საათზე დაიწყება. ეთერის მეტოქე პირველ წრეში ანგოლელი დიასონემა მუსუნგუი იქნება.
ლაშა შავდათუაშვილი (ძიუდო, -73კგ)
ლაშა შავდათუაშვილი შეჯიბრში მეორე წრიდან ჩაერთვება და მისი მეტოქე ბრაზილიელ ედუარდო ბარბოსასა და ფრანგ გილემ ჩაინს შორის გამარჯვებული იქნება.
ნიკოლოზ ბასილაშვილი (ჩოგბურთი)
ნიკოლოზ ბასილაშვილის მეტოქე ოლიმპიური თამაშების 1/16-ფინალში იტალიელი, მსოფლიოს 26-ე ჩოგანი ლორენცო სონეგო იქნება. ეს შეხვედრა 07:30 საათზეა ჩანიშნული, მაგრამ სავარაუდოდ, დაწყების დრო გადაიწევს. შეგახსენებთ, რომ ქართველი ჩოგბურთელი მსოფლიო რეიტინგში 42-ე პოზიციას იკავებს.
სახილ ალახვედროვი (კრივი, -52კგ)
საქართველოს მოკრივეთა ნაკრების წევრი ოლიმპიური თამაშების 1/16-ფინალში ჩინელ ჯიანგუან ჰუს დაუპირისპირდება. ეს შეხვედრა 06:15 საათზე დაიწყება.
გიორგი ხარაბაძე (კრივი, -75კგ)
ხარაბაძის მეტოქე ტურნირის 1/16-ფინალში უზბეკი ფანატ კახრამონოვი იქნება. შეხვედრა 13:51 საათზე ჩანიშნული.
იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:
• ფეისბუქ გვერდს საქართველო ოლიმპიურ თამაშებზე
• Fanebi.Com-ის ვებ-გვერდს
• ფეისბუქ გვერდს FANEBI.COM
