ვის აქვს ყველაზე ხელსაყრელი კალენდარი?
როგორც იცით, კვირას “ლესტერმა” კიდევ ერთხელ მოიგო ანგარიშით 1-0, “მელიებმა” ამჯერად “საუთჰემპტონი” დაამარცხეს და 7 ქულით გაიჭრნენ წინ. წინ კი მხოლოდ 6 მატჩი დარჩათ.
აღნიშნული გამარჯვება კი ნიშნავს იმას, რომ “მელიებს” კიდევ 12 ქულა სჭირდებათ, რათა პრემიერ ლიგის ტიტული გაინაღდონ, თუმცა პრემიერ ლიგაში ასეთი ჰანდიკაპი ადრეც აღმოფრხვილა.
“მელიებს” წინ საგარეო მატჩი ელით “სანდერლენდთან”, რომელიც მთელი ძალებით სცდილობს პრემიერ ლიგაში დარჩენას. “ლესტერს” “მანჩესტერ იუნაიტედის” წინააღმდეგაც მოუწევთ თამაში, რომელიც ოთხეულში მოხვედრისათვის იბრძვის, თანაც მატჩი “ოლდ ტრაფორდზე” უნდა გაიმართოს, მათ ამავე ამბიციების მქონე “ვესტ ჰემთანაც” მოუწევთ დაპირისპირება.
გრემ სოუნესი თვლის, რომ “ტოტენჰემს” მის მთავარ ფავორიტებთან, “არსენალთნ” და “ლესტერთან” შედარებით გაცილებით უფრო ხელსაყრელი კალენდარი აქვს.
“ფეხბურთში ყველაფერი შეიძლება მოხდეს. 1 წლის წინ ისინი დამარხულები და ჩამოწერილები იყვნენ. შეიძლება თქვათ, რომ ჯერ კიდევ დარჩა მატჩები, თუმცა ეს პრემიერ ლიგაა, სადაც დიდი ბიჭების არ ეშინიათ.
ზოგი უყურებს მატჩებს და ფიქრობს – ‘ადვილად ავიღებთ სამ ქულას’. თუმცა ასე არ შეიძლება.
უდიდესი ფაქტორი არის ის, რომ თამაში გიწევს დიდი გუნდების წინააღმდეგ, რომლებიც რაღაცისთვის მთელი ძალებით იბრძვიან. ამის გათვალისწინებით “ტოტენჰემს” საუკეთესო კალენდარი აქვს.
“ტოტენჰემი” ირწმუნებს, რომ მათ მოგება შეუძლიათ. ისინი დაიჯერებენ, რომ “ლესტერს” ფეხი დაუსცდება. მათ მხოლოდ საკუთარ საქმეზე მართებთ კონცენტრაცია.”
