ვის კანდიდატურაზე შეჩერდა პარიზელთა არჩევანი ზიდანის უარის შემდეგ

“პარი სენ-ჟერმენი” ახალი მთავარი მწვრთნელის ძიებაშია. გუნდის მოქმედი თავკაცი მაურისიო პოჩეტინო უახლოეს პერიოდში პოსტს დატოვებს.

პარიზელებს ზინედინ ზიდანის მოწვევა სურდათ, თუმცა ფრანგი სპეციალისტისგან შემოთავაზებაზე უარი მიიღეს.

Get French Football News-ის ინფორმაციით, ახლა “პარი სენ-ჟერმენის” მთავარი მწვრთნელის პოსტზე დანიშვნის მთავარ კანდიდატად “ნიცას” მოქმედი თავკაცი კრისტოფ გალტიე ითვლება, თუმცა კილიან მბაპე მისი მოწვევის წინააღმდეგია. კლუბის ოფიციალური პოზიცია უახლოეს დღეებში გახდება ცნობილი.

შეგახსენებთ, რომ “პარი სენ-ჟერმენი” საფრანგეთის ჩემპიონი გახდა, “ნიცამ” კი მეექვსე პოზიცია დაიკავა.