ვიტალი დარასელია “საბურთალოს” ოლქში იყრის კენჭს

ლეგენდარული ფეხბურთელის ვიტალი დარასელიას შვილი, ვიტალი დარასელია უმცროსი საბურთალოს ოლქში კენჭს პარტია “თავისუფალი დემოკრატებიდან” იყრის.

ვიტალი დარასელია დღეს ანა ანტონოვსკაიას სტადიონზე წარადგინეს. წარდგენას გიორგი ქინქლაძე, რევაზ ძოძუაშვილი, საშა ჩივაძე, ვლადიმერ გუცაევი და სხვა ვეტერანი ფეხბურთელები დაესწრნენ.

“მიეცით პასი დარასელიას და ღმერთია მოწმე, დარასელია გოლს გაიტანს” – ასე დაასრულა ვიტალიმ მისი სიტყვა.

ვიტალი დარასელია უმცროსს “დინამო თბილისში” 90 მატჩში 28 გოლი აქვს გატანილი. 10 შეხვედრა აქვს ჩატარებული საქართველოს ნაკრებში.

საბურთალოს ოლქი თბილისში ერთ-ერთი ყველაზე რთული ოლქია და დარასელიას კონკურენტები სერგეენკო, ელისაშვილი, ოქრუაშვილი, ჩარკვიანი და სხვები იქნებიან.