ვლადიმირ ვაისი: “ვეცდებით, შეტევაში მეტი ხარისხი ვაჩვენოთ. გოლი უნდა გავიტანოთ”

თარიღი: ნოემბერი 15, 2019

საქართველოს ეროვნული საფეხბურთო ნაკრები ევრო 2020-ის საკვალფიკაციო ეტაპის ბოლო შეხვედრას შვეიცარიის წინააღმდეგ გამართავს. ვლადიმირ ვაისის გუნდი მატჩის მასპინძელ ქალაქში 14 ნოემბერს გერმანიაში ჩატარებული სამდღიანი საწვრთნელი შეკრების შემდეგ ჩავიდა. ქართველმა ფეხბურთელებმა შეხვედრის მასპინძელ სტადიონზე ერთი საათი ივარჯიშეს.

საწვრთნელი პროცესის დაწყებამდე ვლადიმირ ვაისმა მედიის წარმომადგენელთა შეკითხვებს უპასუხა.

“ჩვენ სამი დღე გერმანიაში ვემზადებოდით და კარგ კონდიციაში ვიმყოფებით. სასიამოვნოა, რომ დღეს ასეთ კარგ მინდორზე და სტადიონზე გვიწევს ვარჯიში. შვეიცარიის წინააღმდეგ საკვალიფიკაციო ეტაპის ბოლო შეხვედრას გავმართავთ და სურვილი გვაქვს, რომ ხარისხიანი და კარგად ორგანიზებული ფეხბურთი ვითამაშოთ. ამასთან ერთად, ძალიან მნიშვნელოვანი იქნება, რომ შეტევაში მეტი ხარისხი ვაჩვენოთ, რადგან შვეიცარიის ნაკრები დაცვაში კარგად მოქმედებს. ირლანდიისა და დანიის წინააღდეგ კარგი შეხვედრები ჩავატარეთ, ფრედ ვითამაშეთ, მაგრამ თუ ხვალ დადებითი შედეგის მიღწევა გვსურს, გოლი უნდა გავიტანოთ.

ჩემი აზრით, ჩვენ ჯგუფის საუკეთესო გუნდს ვეთამაშებით, ამ მომენტისთვის შვეიცარია ჯგუფში იმ ადგილს არ იკავებს, რომელსაც ის რეალურად იმსახურებს. მათ ჩვენს მერე კიდევ ერთი მატჩი აქვთ გიბრალტარის წინააღმდეგ. გვსურს, რომ კარგი შედეგი ვაჩვენოთ, ეს რა თქმა უნდა, ადვილი არ იქნება, მაგრამ ამისთვის ყველაფერს გავაკეთებთ. შვეიცარიის წინააღმდეგ ისეთივე რთული მატჩი გველის, როგორც ეს დანიისა და ირლანდიის წინააღმდეგ იყო. მოწინააღმდეგეს, რამდენიმე წამყვანი მოთამაშე დააკლდება, მაგრამ ვლადიმირ პეტკოვიჩს საკმარისად კარგი სათადარიგო შემადგენლობა ჰყავს იმისთვის, რომ მაგალითად შერი და ემბოლო სრულფასოვნად შეცვალონ. ფსიქოლოგიურად კარგად ვართ, რადგან ბოლო მატჩებში კარგად ვიასპარეზეთ, მაგრამ კიდევ ერთხელ გავიმეორებ, რომ შვეიცარიის წინააღმდეგ შეტევაში უკეთ უნდა ვითამაშოთ. დაცვიდან თამაშს არ ვაპირებთ, შეხვედრის ფავორიტი, რა თქმა უნდა, შვეიცარიაა, მაგრამ თამაში 0:0-დან იწყება და შანსები 50-50-ზეა. ვთვლი, რომ ფეხბურთელების ხარისხით შვეიცარია ჯგუფში საუკეთესო გუნდია.

მე მიყვარს ეს გუნდი და ის მოთამაშეები, რომლებიც აქ არიან. ისინი ძალიან ბევრს შრომობენ წარმატებისთვის. თუ რა დონეზე ვართ ახლა ამას ხვალინდელი თამაშიც გამოაჩენს. სამწუხაროდ, ტრავმების გამო ოქრიაშვილი, ანანიძე და ტაბიძე ვერ დაგვეხმარებიან. მიუხედავად ამისა, ჩვენ გვყავს კარგი მოთამაშეები და საქართველოს სიურპრიზების შეთავაზება შეუძლია. იმედი მაქვს ხვალინდელი თამაშისაც. ჩვენ ვემზადებით მარტისთვის და პირველ რიგში, ხვალინდელ მატჩზე ვფიქრობთ. ასევე ხორვატიაში დაგეგმილ ამხანაგურ შეხვედრაზე, სადაც იმ ფეხბურთელებს ვათამაშებ, რომლებიც ნაკრებში საკუთარ შანსს ელოდებიან. ერთა ლიგის პლეი-ოფი მხოლოდ ჩვენთვის კი არა, ყველა ქართველისთვის ძალიან მნიშვნელოვანია, ეს ისტორიული შანსია. ასევე ფიქრობენ ჩვენი მეტოქეები, მაკედონია, კოსოვო და ბელორუსი.

როგორც აღვნიშნე, ჯიმი ტაბიძემ ტრავმა მიიღო და რეხვიაშვილი ამის შემდეგ დაგვემატა. ამ პოზიციაზე ასევე გვყავს ნავალოვსკი. ვნახოთ, რა არჩევანს გავაკეთებთ შვეიცარიის წინააღმდეგ. ნაკრებში ასევე არაბული და პაპუნაშვილი დაბრუნდნენ. ოქტომბერში პაპუნაშვილი ფიზიკურად მზად არ იყო და ამიტომ ვერ დაგვეხმარა. ახლა იმედი მაქვს, რომ ის მზად არის და შეძლებს გუნდის გაძლიერებას. რაც შეეხება არაბულს, მან საბერძნეთის ჩემპიონატში 5 გოლი გაიტანა და კარგ ფორმაში იმყოფება. ამ პოზიციაზე მყოფი ფეხბურთელები უნდა გამოვიყენოთ და შემდეგ მათ უკვე მიეცემათ შესაძლებლობა მარტის მნიშვნელოვან შეხვედრებშიც მიიღონ მონაწილეობა. ამ პოზიციაზე დიდი არჩევანი არ გვაქვს, ქვილითაია ბელგიაში სათადარიგოთა სკამზეა, სხვა მოთამაშეები საბერძნეთში და ყაზახეთში თამაშობენ, რაც არ არის ევროპის უმაღლესი საფეხური”, – განაცხადა ვლადიმირ ვაისმა.

შვეიცარია – საქართველოს მატჩის 18 ათასზე მეტი ბილეთია გაყიდული, 15 ნოემბერს სენტ გალენის სტადიონზე შეხვედრა ანშლაგით ჩაივლის.

მესამე ადგილზე მყოფ შვეიცარიას 11 ქულა აქვს. საქართველო 8 ქულით, მეოთხე პოზიციას იკავებს. შეხვედრა თბილისის დროით 23:45 წუთზე დაიწყება, მატჩის რეპორტაჟს საქართველის პირველი არხი შემოგთავაზებთ.

სფფ-ის პრესსამსახური



მსგავსი სიახლეები
ფეხბურთი

ბათუმის “დინამოს” ერთ-ერთი ლიდერი “ლეგიაში” მიდის?

ძალიან ბევრი პოლონური გამოცემა ბოლო 2 დღეა აქტიურად წერს “ლეგიას” მხრიდან ბათუმის “დინამოს” გოლკიპერის, ლაზარე […]...
წაკითხვა
ფეხბურთი

ლუჩანო სპალეტი: “დღევანდელ ფეხბურთში ხვიჩას მსგავსი ფეხბურთელებია საჭირო”

“ნაპოლის” მთავარმა მწვრთნელმა ლუჩანო სპალეტიმ ხვიჩა კვარაცხელიაზე ისაუბრა. “კვარაცხელია ძლიერი ფეხბურთელია, ფიზიკურადაც გამოირჩევა დ...
წაკითხვა
ფეხბურთი

ლა ლიგამ ფანების მხრიდან მამარდაშვილის შეურაცხყოფა დაგმო

ლა ლიგის სადისციპლინო კომიტეტმა ხავიერ ტებესის ხელმძღვანელობით, 7 მაისს “ბილბაოს” ფანების მხრიდან “ვალენსიას” მთავარი მწვრთნელ...
წაკითხვა
ფეხბურთი

უნდა გამოიძახოს სანიოლმა ნაკრებში გიორგი ჩაკვეტაძე?

“ჰამბურგმა” მე-2 ბუნდესლიგაში მორიგი მატჩის მოგება მოახერხა და ბუნდესლიგაში გადასასვლელად “ჰერტას” წინააღმდეგ პლეი-ოფში ითამაშ...
წაკითხვა
ფეხბურთი

რატომ არ მიჰყავს შოთა არველაძეს ქართველი ფეხბურთელები?

კვიპროსულ პრესაში გავრცელდა ინფორმაცია, რომ თემურ ქეცბაია “ანორთოსისში” 30 წლის ქართველი თავდამსხმელის, ავთო ებრალიძის მიწვევას […]...
წაკითხვა
ფეხბურთი

ვოლკოვი პოლონეთის ერთ-ერთ საუკეთესო გუნდში ითამაშებს

როგორც Azerisport იტყობინება, “ზირას” ქართველი თავდამსმელი დავით ვოლკოვი კარიერას პოლონეთში გააგრძელებს. ვოლკოვმა “ზირას” ახალ...
წაკითხვა
ფეხბურთი

“ტორპედომ” ჩხეტიანის დანიშვნა გადაიფიქრა?

ქუთაისის “ტორპედომ”, როგორც იქნა, გამარჯვება შეძლო და თბილისის “ლოკომოტივი” 0-3 დაამარცხა. ამჯერადაც, მთავარ მწვრთნელად ანალიტ...
წაკითხვა
ფეხბურთი

მამარდა 21-წლამდელებს შორის მე-5 ყველაზე ძვირად ღირებული მეკარეა

“ვალენსია” უახლოეს პერიოდში აპირებს გიორგი მამარდაშვილის გამოსასყიდი თანხა წელსვე მინიმუმ 30 მილიონამდე გაზარდოს, როცა თბილისის […]...
წაკითხვა
ფეხბურთი

Marca: “ვალენსიას” ახალი მთავარი მწვრთნელი ეყოლება

ცნობილი ესპანური გამოცემა Marca “ვალენსიას” მთავარი მწვრთნელის შეცვლას პროგნოზირებს. მიუხედავად იმისა, რომ ბორდალასს კონტრაქტი ერთ [&helli...
წაკითხვა
ფეხბურთი

AS: “ვალენსიამ” დაიწყო! მამარდას ხელფასი, გამოსასყიდი თანხა და ყველაფერი მოემა

ერთ-ერთი ყველაზე ცნობილი ესპანური გამოცემა AS მამარდაშვილზე წერს. “ვალენსიას” მიმდინარე სეზონში აშკარა ჩავარდნა აქვს, ბოლოს […]...
წაკითხვა
ფეხბურთი

ქეცბაიას “ანორთოსისში” ქართველი ფეხბურთელი მიჰყავს

კვიპროსული Goal-ის და Sport 24-ის ინფორმაციით, თემურ ქეცბაიას “ანორთოსისში” 30 წლის ქართველი თავდამსხმელის, ავთანდილ ებრალიძის […]...
წაკითხვა
ფეხბურთი

“საბურთალომ” გამოსავალი მოძებნა! ფეხბურთს გულშემატკივარი არ სჭირდება!

საფეხბურთო კლუბი “საბურთალო” განცხადებას ავრცელებს. “გეცოდინებათ, რომ „საბურთალოსა“ და ბათუმის „დინამოს“ მატჩი რუსთავში, სფფ-ს ტექნი...
წაკითხვა
ფეხბურთი

“თუ მამარდას სანაცვლოდ 40 მილიონი შემოგვთავაზეს, არ გავყიდოთ?” – ესპანეთ

“ვალენსიამ” გიორგი მამარდაშვილი თბილისის “დინამოდან” 850 ათასი ევროს სანაცვლოდ დაიმატა და მისი გამოსასყიდი თანხა 20 […]...
წაკითხვა
ფეხბურთი

სამსონ ფრუიძის ეფექტი | ჩიხურა მე-3 ლიგიდან ვარდება!

საჩხერის “ჩიხურა” დღეს მე-3 ლიგაში გამოდის, 5 ტურის შემდეგ 5 წაგება აქვს და ბოლო ადგილზე […]...
წაკითხვა