ზაგრების “დინამოს” 103 მატჩიან დაუმარცხებელ სერიას ბოლო მოეღო
![](https://fanebi.com/wp-content/uploads/2016/09/CmiYIZEWEAA1H5K13.jpg)
ზაგრების “დინამოს” ბრწყინვალე დაუმარცხებელი სერია, რომელიც ჩემპიონატში ჩატარებული 103 საშინაო მატჩისაგან შედგებოდა დასრულდა. ზაგრებელების ამ სერიას “მაქსიმირზე”, “ოსიეკთან” მატჩში მოეღო ბოლო.
ხორვატიის ჩემპიონატის მე-8 ტურის ცენტრალურ მატჩში ერთადერთი გოლი “ოსიეკის” ნახევარმცველმა, ჟოზიპ კნეზევიჩმა გაიტანა მატჩის მე-2 წუთზე. დარჩენილ დროში “დინამო” ბევრს ეცადა, თუმცა გოლის გატანა ვერ მოახერხა და ახალ სეზონში პირველი მარცხიც იგემა ჩემპიონატში.
რაც შეეხება ზაგრებელთა დაუმარცხებელ სერიას, მან სტარტი 2010 წლის ივლისში აიღო. ხორვატიის ჩემპიონების ბოლო მარცხი “სტადიონ მაქსიმირზე” რიეკასთან მატჩში მოდიოდა (2-1), ჩემპიონატის მეორე ტურში. ამის შემდეგ, “დინამომ” 90 მატჩის მოგება და 13 მატჩის ფრედ დასრულება მოახერხა.