ზამთრის თასი 2018 – საქართველო ჩემპიონია!

თარიღი: იანვარი 15, 2018

ზამთრის თასის 2018 წლის გათამაშება ტრადიციულად უცხოელი და ქართველი ვარსკვლავების ტურნირით დასრულდა. წლევანდელ ტურნირზე საქართველოს ნაკრებთან ერთად, ესპანეთის, იტალიის, უკრაინის, თურქეთისა და უეფას გუნდები ასპარეზობდნენ.

საქართველოს ნაკრები „ა“ ჯგუფში იტალიისა და ესპანეთის ნაკრებებთან მოხვდა. ჩვენმა გუნდმა ტურნირის პირველ შეხვედრაში იტალია დაძაბულ ბრძოლაში ანგარიშით 7:6 დაამარცხა. საქართველოს ნაკრების შემადგენლობიდან პოკერით ალექსანდრე იაშვილი გამოირჩა, თითო გოლი ზურაბ ხიზანიშვილმა და კახა კალაძემ გაიტანეს, ერთი ბურთი კი, საკუთარ კარში მასიმო პაგანინიმ ჩაჭრა. ჯგუფური ეტაპის მეორე შეხვედრაში ჩვენი გუნდი ესპანეთს დაუპირისპირდა. დაძაბული და საინტერესო მატჩი ესპანელთა გამარჯვებით 4:2 დასრულდა. ქართველთა მხრიდან გოლები გიორგი დემეტრაძემ და მიხეილ ყაველაშვილმა გაიტანეს. შესაბამისად, საქართველოს ნაკრებმა 3 ქულა დააგროვა და „ა“ ჯგუფში მეორე ადგილი დაიკავა, ესპანეთმა კი საკუთარი მატჩი იტალიასთანაც მოიგო, ანგარიშით – 3:2 და 6 ქულით პირველი ადგილი დაიკავა.

„ბ“ ჯგუფი უკრაინის ნაკრების გამარჯვებით დასრულდა. უკრაინელებმა ჯგუფში ორივე თამაში მოიგეს და 6 ქულა დააგროვეს. პირველ შეხვედრაში მათ თურქეთს აჯობეს ანგარიშით – 3:2, მეორე მატჩი კი უეფას მოუგეს 4:1. მეორე ადგილზე სწორედ უეფას გუნდი გავიდა. ევროპული ფეხბურთის მმართველი ორგანოს გუნდმა თურქეთი დაამარცხა, ანგარიშით 3:2 და შემდეგ ეტაპზე თამაშის უფლება სამი ქულით მოიპოვა.

პირველი ნახევარფინალური შეხვედრა საქართველოსა და უკრაინის ნაკრებებს შორის გაიმართა. მატჩი ქართველი ფეხბურთელების სრული უპირატესობით წარიმართა და მათი გამარჯვებით 6:1 დასრულდა. ჩვენი გუნდიდან გატანილი გოლებით კახა კალაძე (4), მიხეილ ყაველაშვილი და ალექსანდრე იაშვილი გამოირჩნენ. მეორე ნახევარფინალში ესპანეთის ნაკრები უეფას დაუპირისპირდა. დაძაბული შეხვედრა ესპანელთა გამარჯვებით 3:2 დასრულდა.

ფინალურ შეხვედრაში ერთმანეთს საქართველო და ესპანეთი დაუპირისპირდნენ. ალექსანდრე ჩივაძისა და რევაზ ძოძუაშვილის გუნდმა ჯგუფში განცდილი მარცხის გამო სრულფასოვანი რევანში აიღო, გადამწყვეტ შეხვედრაში მეტოქე 6:3 დაამარცხა და ზამთრის თასს ზედიზედ მეორედ დაეუფლა. ჩემპიონთა მხრიდან ჰეტ-თრიკით გუნდის კაპიტანი, კახა კალაძე გამოირჩა, თითო გოლი კი, ალექსანდრე ამისულაშვილის, ზურაბ ხიზანიშვილისა და ლევან კობიაშვილის ანგარიშზეა.

მატჩის დასრულების შემდეგ დაჯილდოების საზეიმო ცერემონია გაიმართა. ტურნირის საუკეთესო მოთამაშედ უეფას გუნდის წევრი, მილენკო აჩიმოვიჩი დასახელდა, ბომბარდირი 8 გატანილი გოლით საქართველოს ნაკრების კაპიტანი, კახა კალაძე გახდა, საუკეთესო მეკარეს წოდება კი ესპანელმა ხულიო იგლესიასმა მიიღო. გუნდებსა და გამორჩეულ მოთამაშეებს კუთვნილი ჯილდოები საქართველოს ფეხბურთის ფედერაციის გენერალურმა მდივანმა დავით მუჯირმა, პირველმა ვიცე-პრეზიდენტმა კახა ჭუმბურიძემ და კულტურის, ძეგლთა დაცვისა და სპორტის მინისტრის მოადგილემ, შალვა გოგოლაძემ გადასცეს.

დავით პეტრიაშვილის სახელობის ზამთრის თასის საფეხბურთო ვარსკვლავების გათამაშების გამარჯვებულს- საქართველოს ნაკრებს თასი დავით პეტრიაშვილის მეუღლემ – ლიკა იოსელიანმა და ქართული ფეხბურთის განვითარების ფონდის გამგეობის თავმჯდომარემ ტარიელ ხეჩიკაშვილმა გადასცეს.

Gff.ge

მსგავსი სიახლეები
ფეხბურთი

მიმართვა მთავრობას: ფეხბურთი მეტია, ვიდრე ქორწილი!

Uefa-ს გადაწყვეტილებით, სანაკრებო მატჩებზე სტადიონის ტევადობის მიხედვით, გულშემატკივართა მაქსიმუმ 30% დასწრებას შეძლებს. “დინამო არენაზე” ...
წაკითხვა
ფეხბურთი

ათკაციანმა “ბარსელონამ” “სელტა” დამაჯერებლად დაამარცხა (ვიდეო)

“ვილიარეალთან” ლა ლიგის გახსნით მატჩში მოპოვებული გამარჯვების შემდეგ, რონალდ კუმანის “ბარსელონამ” “ესტადიო დე ბალაიდოსზე...
წაკითხვა
ფეხბურთი

წიტაიშვილი: “ბარსელონას” წინააღმდეგ თამაშზე ბავშვობიდან ვოცნებობდი”

კიევის “დინამოს” ნახევარმცველმა, გიორგი წიტაიშვილმა, ჩემპიონთა ლიგის ჯგუფური ეტაპის წილისყრის შედეგები შეაფასა. როგორც იცით, უკრაინული [&h...
წაკითხვა
ფეხბურთი

ხავიერ ძანეტი: “რთული ჯგუფი შეგვხვდა, მაგრამ ჩვენს სიტყვას ვიტყვით”

მილანის “ინტერის” ვიცე-პრეზიდენტმა ხავიერ ძანეტიმ ჩემპიონთა ლიგის ჯგუფური ეტაპის წილისყრის შედეგი შეაფასა. შეგახსენებთ, რომ “ნერაძურ...
წაკითხვა
ფეხბურთი

საქართველოს ფეხბურთის ფედერაციის განცხადება

უეფას აღმასრულებელი კომიტეტის გადაწყვეტილებით, მიმდინარე წლის ოქტომბრიდან ორგანიზაციის წევრი ქვეყნების მთავრობების შესაბამისი ჯანდაცვის უწყებების თანხ...
წაკითხვა
ფეხბურთი

ეს უნდა ნახოთ – ევროპის ლიგის მატჩში წლის ერთ-ერთი კურიოზული გოლი გავიდა (ვიდეო)

ევროპის ლიგის ფლეი-ოფში, “კოპენჰაგენსა” და “რიეკას” შორის გამართულ მატჩში ანგარიში სტუმრებმა მე-20 წუთზე ასეთი გოლით […...
წაკითხვა
ფეხბურთი

ფანების დაშვება? უეფამ გადაწყვეტილება მიიღო, ჯერი საქართველოს მთავრობაზეა

საქართველოსა და ბელარუსის ნაკრებს შორის გასამართ მატჩამდე რამდენიმე დღეა დარჩენილი. ძალიან მალე პასუხი გაეცემა საქართველოს […]...
წაკითხვა
ფეხბურთი

ჩემპიონთა ლიგის გასული სეზონის საუკეთესო ფეხბურთელი დასახელდა

დღეს უეფას ჩემპიონთა ლიგის ჯგუფური ეტაპის წილისყრისა და დაჯილდოების ცერემონიაზე გასული გათამაშების საუკეთესო ფეხბურთელი დაასახელეს, […]...
წაკითხვა
ფეხბურთი

ჩემპიონთა ლიგის გასული სეზონის საუკეთესო ფეხბურთელები პოზიციების მიხედვით

დღეს უეფას ჩემპიონთა ლიგის ჯგუფური ეტაპის წილისყრის პარალელურად სხვადასხვა პოზიციების მიხედვით გასული გათამაშების საუკეთესო ფეხბურთელები […]...
წაკითხვა
ფეხბურთი

ჩემპიონთა ლიგის ჯგუფური ეტაპის წილისყრა გაიმართა

დღეს, შვეიცარიის ქალაქ ჟენევაში ჩემპიონთა ლიგის ჯგუფური ეტაპის წილისყრა გაიმართა. უკვე ცნობილია, თუ როგორ გადანაწილდნენ […]...
წაკითხვა
ფეხბურთი

“ჯენოა”—”ტორინო” გადაიდო

იტალიის სერია A-ს მესამე ტურში “ჯენოასა” და “ტორინოს” შორის გასამართი მატჩი გადაიდო. მიზეზი გენუელთა შორის […]...
წაკითხვა
ფეხბურთი

ვასილ მაისურაძემ 21-წლამდე ნაკრების შეცვლილი შემადგენლობა დაასახელა

საქართველოს 21-წლამდე ნაკრები ევრო 2021-ის საკვალიფიკაციო ეტაპის უახლოეს ორ შეხვედრას გორში გამართავს. თენგიზ ბურჯანაძის სახელობის […]...
წაკითხვა
ფეხბურთი

წარმოუდგენელი გოლი ამერიკაში (ვიდეო)

დენი ბარერას გოლი “ფილადელფიას იუნიონის” კარში იხილეთ ვიდეო Voilà une nouvelle qui va faire plaisir […]...
წაკითხვა