ზაფხულის სატრანსფერო ფანჯარა: ტურინის “იუვენტუსის” ორი მთავარი სამიზნე
ნელ-ნელა ახლოვდება ზაფხულის სატრანსფერო ფანჯარა და უფრო იმატებს ხმები ამა თუ იმ ფეხბურთელის გუნდის შეცვლასთან დაკავშირებით.
ირკვევა, რომ ტურინის “იუვენტუსი” წელს ორი შემტევის შეძენას შეეცდება, პირველი მათგანი ანტონი მარსიალია, რომელსაც “მანჩესტერ იუნაიტედში” არც ისე ბევრი სათამაშო დრო ეძლევა. ის, ძრითადად, შეცვლაზე შედის მოედანზე და, მიუხედავად ამ სეზონში გატანილი ცხრა გოლისა, ბოლომდე მაინც ვერ მოიპოვა ჟოზე მოურინიოს ნდობა.
მეორე მოთამაშე ალვარო მორატაა. ლონდონის “ჩელსის” თავდამსხმელმა თავიდან კარგად დაიწყო და გოლებიც გაჰქონდა, თუმცა შემდეგ, როგორც მას, ასევე მთლიან გუნდს ცუდად წაუვიდა საქმე. ესპანელმა ამ სეზონში პრემიერ ლიგის 27 თამაში ჩაატარა, სადიანაც მან 22 ძირითადი შემადგენლობიდან დაიწყო. გუნდის მთავარმა ფორვარდმა აქამდე თერთმეტი გოლის გატანა მოახერხა. ფაქტია, რომ ის ბოლომდე ვერ ამართლებს გაცემულ ავანსებს. სწორედ ამიტომ, ეს ყოველივე ტრანფერს უფრო რეალურს ხდის. თანაც, არ უნდა დაგვავიწყდეს, რომ 25 წლის სპორტსმენი ორი სეზონის მანძლზე ტურინულ გუნდში გამოდიოდა.
