“ზესტაფონი” და “მეტალურგი” ფინანსების გარეშე დარჩნენ
მიუხედავად თითქოს და მიღწეული შეთანხმებისა საფეხბურთო კლუბ “ზესტაფონში” კვლავ ფინანსური პრობლემებია. 19 მარტს ზესტაფონის საკრებულოს სხდომაზე გადაწყდა, რომ ქალაქის მმართველბი იურიდიული საკითხების დაზუსტების გამო კლუბის დაფინასებაზე ისევ უარს ამბობენ. არადა, კლუბის ბიუჯეტში ამ ეტაპზე ერთი თეთრიც კი არ არის.
ანალოგიური ვითარებაა რუსთავის “მეტალურგშიც”, სადაც სტადიონის ყველა თანამშრომელი უკვე რამდენიმე თვეა გაფიცულია და არენაზე არანაირი ელემენტარული პირობებიც კი არ არის. გარდა ამისა, რუსთავულ კლუბს 8 მილიონიანი ვალიც აქვს, რაც პოტენციური ინვესტორების მოსვლასაც აფერხებს. “მეტალურგის” დამრიგებელმა, ვარლამ კილასონიამ უკანასკნელი მატჩის შემდეგ ისიც კი განაცხადა, რომ მისმა კლუბმა ჩემპიონატი, შესაძლოა, ვერც ჩაამთავროს.
ამრიგად, ქვეყნის ორი ტრადიციული საფეხბურთო კერა დიდი საფრთხის წინაშეა და თუ სხვა ქალაქებში კლუბის შესანახი თუნდაც მინიმალური სახსრები გამოინახა, ამას რუსთავი და ზესტაფონიც აუცილებლად იმსახურებენ.
