ზესტაფონი სერბულ კლუბს ესპარინგა
2014 წლის 10 თებერვალს თურქეთში მყოფმა საფეხბურთო კლუბმა ”ზესტაფონმა” მორიგი ამხანაგური შეხვედრა ჩაატარა. შეკრების რიგით მესამე მატჩში ზესაფონელთ მეტოქე სერბეთის უმაღლესი ლიგის წარმომადგენელი საფეხბურთო კლუბი ”დონიი სრემი” გახლდათ.
სერბულ-ქართული დაპირისპირება ადგილობრივი დროით 19:00 (თბილისის დროით – 21:00) საათზე დაიწყო. ვოივოდინას მხარის ქალაქ პეჩინცის წარმომადგენელი კლუბი, რომელსაც ადგილობრივი სპეციალისტი ვლადო ჩაპლიჩი წვრთნის, თავის ქვეყნის მიმდინარე ჩემპიონატში აუტსაიდერთა შორის იმყოფება და უმაღლეს დივიზიონში ადგილის შესანარჩუნებლად იბრძვის. საინტერესოა, რომ დაარსებიდან პირველ წლებში “დონიი სრემი” “ბორაცის” სახელწოდებით ასპარეზობდა.
შეხვედრაში ანგარიში სერბებმა გახსნეს. მე-13 წუთზე თავი უროშ კუშოტიჩმა გამოიჩნა. ამის შემდეგ გოლები მხოლოდ ქართველმა ფეხბურთელებმა გაიტანეს. 27-ე წუთზე ანგარიში თორნიკე კაპანაძემ გაათანაბვრა. ტაიმის ბოლო წუთზე კი საბანაძემ “ზესტაფონი” წინ გაიყვანა. შესვენების შემდეგ შეხვედრა თანაბრად მიმდინარეობდა. ზესტაფონელებმა გადამწყვეტი უპირატესობა 77-ე წუთზე მოიპოვეს, როდესაც ჭანტურიშვილმა კიდევ ერთი გოლი გაიტანა და ქართული გუნდის უპირატესობა ორბურთიანი გახდა. 88-ე წუთზე კი დიმიტრი ტატანაშვილმა ღონღაძის გადაცემით საბოლო ანგარიში დააფიქსირა 4-1.
ზესტაფონელთა დამრიგებელმა გია გეგუჩაძემ დღეს დასვენების საშუალება ბოიან პავლოვიჩს, ზაზა ჭელიძეს, რევაზ გეწაძესა დაგრიგოლ დოლიძეს მისცა. რაც შეეხება ჩვენი გუნდის შემდგენლობას, ის შემდეგნაირად გამოიყურება: კუპატაძე, თორნიკე გრიგალაშვილი (ღონღაძე, 64), თედორე გრიგალაშვილი (გურული, 64), გაგოშიძე (ფერეირა, 64), ენდელაძე, აჯურუ (შარიქაძე, 64), სარდალიშვილი (ჭანტურიშვილი, 64), მაკარიძე (კაკუშაძე, 53), ჭანკოტაძე (კუხიანიძე, 64), საბანაძე (ფანცულაია, 64), კაპანაძე (ტატანაშვილი, 64).
შემდეგ ამხანაგურ მატჩს ზესტაფონელები 13 თებერვალს ოდესის “ჩერნომორეცის” წინააღმდეგ გამართავენ.
