ჟეზუსი: “ჩვენი თამაშით ფანები სიამოვნებას იღებენ, რაც გოლებზე უფრო მნიშვნელოვანია”
“მანჩესტერ სიტის” ბრაზილიელმა ვარსკვლავმა, გაბრიელ ჟეზუსმა “სტოკ სიტისთან” გამანადგურებელი ანგარიშით მოგებული მატჩი (7-2) შეაფასა და აღნიშნა, რომ “ქალაქელები” თავს ბედნიერად გრძნობენ.
“ბედნიერები ვართ, ძალიან კარგი პერფრომანსი შევთავაზეთ გულშემატკივარს. რაც არამარტო რომელიმე ფეხბურთელის, არამედ მთელი გუნდის დამსახურებაა. ვფიქრობ, ჩვენი თამაშით ფანები დიდ სიამოვნებას იღებენ, რაც გატანილ გოლებზე უფრო მნიშვნელოვანია.
ძალიან ბევრს ვმუშაობდით ამ შედეგის მისაღწევად. ჩვენი მიზანი ყოველ მატჩში ერთია – გამარჯვება. შესაძლოა, ზოგჯერ ამ შედეგის მიღება გაგვიჭირდეს, მაგრამ ჩვენ მაინც ის უნდა გავაკეთოთ, რაც გვევალება.
რაც შეეხება კევინ დე ბრუინს, იღბლიანები ვართ, გუნდში მისნაირი ფეხბურთელი რომ გვყავს. ის უმაღლესი დონის მოთამაშეა და მის გვერდით თამაში გაცილებით უფრო ადვილია,” – აცხადებს ჟეზუსი BBC Sport-თან საუბრისას.
