ჟოზე მოურინიომ “მანჩესტერ იუნაიტედის” თამაშის პრაგმატული სტილი გაამართლა

“მანჩესტერ იუნაიტედის” მთავარი მწვრთნელის, ჟოზე მოურინიოს თქმით, მისი ხედვა ფეხბურთისადმი არ შეცვლილა და ლამაზი თამაშის ჩვენებას დღესაც შედეგზე გასვლა ურჩევნია.

“ვცდილობთ შეძლებისდაგვარად საუკეთესოდ ვითამაშოთ. პრაგმატულ სტილზე თუ ვსაუბრობთ, უნდა ავღნიშნოთ, რომ პრემიერ ლიგის ბოლო გამარჯვებულის სწორედ ასეთ მეთოდს იყენებდა, ისინი შეტევაზე ორიენტირებულ ფეხბურთს არ გვიჩვენებდნენ.

ისინი დაცვითი ტიპის ფეხბურთს ანიჭებდნენ უპირატესობას და კონტრ-იერიშებზე აკეთებდნენ აქცენტს. ასე რომ, შედეგებიდან გამომდინარე, ასეთი სტილით თამაშს პრემიერ ლიგის მოგებამდე მივყავართ.

ვცდილობთ, მაქსიმალურად გამოვიყენოთ ჩვენი ფეხბურთელების შესაძლებლობები, კარგად ვითამაშოთ და შედეგიც დავდოთ. თუ მოსაგებად დაცვითი ფეხბურთის თამაში დაგვჭირდება, ვითამაშებთ კიდეც,” – აცხადებს პორტუგალიელი სპეციალისტი.