ჟულიო სეზარი “ბენფიკაში” გადადის

“ქუინს პარკ რეინჯერსის” მეკარე ჟულიო სეზარი ლისაობონის “ბენფიკაში” გადავა.

A Bola-ს ცნობით, ბრაზილიელი ფეხბურთელი უკვე ჩავიდა პორტუგალიაში კონტრაქტზე ხელის მოსაწერად. წყაროს თანახმად, მხარეებს შორის ორწლიანი ხელშეკრულება გაფორმდება.

ჟულიო სეზარმა გასული სეზონის მეორე ნახევარი იჯარის წესით MLSის კლუბ “ტორონტოში” გაატარა. ამ დროის პერიოდში ჩაატარა შვიდი მატჩი და გაუშვა 9 გოლი, ორ შეხვედრაში კარი მშრალად შეინახა. ამასთან, ერთხელ მის მიერ შესრულებული მოგერიება კვირის საუკეთესო სეივადაც დაასახელეს.

ჟულიო სეზარმა ბრაზილიაში გამართულ მსოფლიოს ჩემპიონატზე შვიდი მატჩი ჩაატარა და 14 გოლი გაუშვა, რომლიდანაც ნახევარი გერმანიის ნაკრებმა გაუტანა.

34 წლის ბრაზილიელი მეკარის სატრანსფერო ღირებულება 1,5 მილიონ ევროდ ფასდება.