ზიდანი: “არავის შეძენა აღარ მსურს”

ხვალ, დილის 04:00 საათზე მადრიდის “რეალი” ჩემპიონთა საერთაშორისო თასზე კატალონიის “ბარსელონას” დაუპირისპირდება. მატჩის წინ “ბლანკოსის” მთავარმა მწვრთნელმა, ზინედინ ზიდანმა პრესკონფერენცია გამართა.

“ვფიქრობ, საუკეთესო შემადგენლობა გვყავს. ჩვენ ამ ფეხბურთელებით მნიშვნელოვანი ტიტულები მოვიგეთ. იმავეს ვაპირებთ ამ სეზონში. შემადგენლობა შესანიშნვია და არ მსურს არანაირი ცვლილება. ახლა გუნდში, კრიშტიანუს გარდა, ყველაა. ვიცით, რომ წინ ურთულესი წელი გველის – ყველას სურს, “რეალი” დაამარცხოს.”

“ამ ტურნეზე ვართ იმისთვის, რომ ყველამ ითამაშოს, ფორმაში ჩადგეს და ფიზიკური კონდიციები აღიდგინოს. ფეხბურთელები, უფრო და უფრო, ძლიერად გრძნობენ თავს. ყველაფერს ვიზავთ იმისთვის, რომ სეზონს საუკეთესო ფორმაში შევდგეთ,” – განაცხადა “ზიზუმ”.