ზიდანი: “ასენსიო და ვასკესი ყოველთვის მეტს იმსახურებენ”
გუშინ ლა ლიგა სანტანდერის 24-ე ტურის მატჩში მადრიდის “რეალი” “ბენიტო ვილამარინს” ესტუმრა და ადგილობრივ “რეალ ბეტისს” დაუპირისპირდა. “ბლანკოსმა” მეტოქე დაძაბულ ბრძოლაში, ანგარიშით, 5:3 დაამარცხა.
საგულისხმოა, რომ მადრიდელთა შემტევმა, ლუკას ვასკესმა ორი საგოლე გადაცემით გამოიჩინა თავი. რაც შეეხება მარკო ასენსიოს, მან დუბლი შეასრულა. ზინედინ ზიდანმა შეხვედრის შემდეგ ამ ორ ფეხბურთელზე ისაუბრა.
“ისინი ყოველთვის მეტს იმსახურებენ. როცა მარკოს და ლუკასს შავ სამუშაოს ვავალებ, ამასაც კი ძალიან დიდი პასუხისმგებლობითა და მონდომებით აკეთებენ. ისინი ფლანგებზე თამაშით მოედნის სიღრმეში სივრცეებს გვითავისუფლებენ. ასევე, დაცვაშიც ბევრს იბრძვიან.”
კრიშტიანუ რონალდუმ ბოლო ექვს მატჩში ათი გოლი გაიტანა. ამაზე ფრანგმა სპეციალისტმა განსაკუთრებული ყურადღება გაამახავილა.
“ის ძალიან ბედნიერია. ვხედავთ, რომ პორტუგალიელი შესანიშნავ ფორმაშია. დღეს რომ გაიტანა, ამ ფაქტმა ბედნიერი გამხადა. რონალდუც ძალიან ბევრს მუშაობს. მან ჩვენს ბოლო ხუთ შეხვედრაში, 23 გოლში მიიღო მონაწილეობა,” – აცხადებს “ზიზუ”.
