ზიდანი ბეილის არყოფნაზე: “რაც გინდათ ის იფიქრეთ, ძირითადს მე ვადგენ”

მადრიდის “რეალმა” ლა ლიგა სანტანდერის 36-ე ტურში “ვილიარეალის” დამარცხება შეძლო, რაშიც დიდი წვლილი მარიანო დიასის დუბლმა ითამაშა. აღნიშნულ მატჩში ზინედინ ზიდანმა მოედანზე რამდენიმე ახალგაზრდა ფეხბურთელს მისცა შანსი, რამაც პრესაში კითხვები გააჩინა.

ჟურნალისტებმა ფრანგ სპეციალისტს პირველ რიგში ზინედინ ზიდანის არყოფნის შესახებ დაუსვეს კითხვა: “შეგიძლიათ, რაც გინდათ ის იფიქროთ, მაგრამ ძირითად შემადგენლობას მე ვადგენ. ამის შესახებ მეტს ვერაფერს გეტყვით.

რაც შეეხება მარიანო დიასს, ტრავმების გამო მას თავის წარმოჩენის შანსი ხშირად არ ეძლეოდა. ძალიან მიხარია, რომ დღევანდელ მატჩში ორი გოლის გატანა შეძლო.

გუნდში სამი მეკარე მყავს, მე კი იძულებული ვარ, არჩევანი ერთ მათგანზე გავაკეთო. დღეს ტიბო კურტუაზე გავაკეთე არჩევანი, ეს ჩემი გადაწყვეტილება იყო,” – აცხადებს ზიდანი.