ზიდანი: “რამოსი ფეხბურთის ისტორიაში საუკეთესო მცველია”

მადრიდის “რეალის” მთავარმა მწვრთნელმა, ზინედინ ზიდანმა, “ვალენსიასთან” მატჩამდე გამართულ პრესკონფერენციაზე დრო სერხიო რამოსზე სასაუბროდაც გამოყო. შეგახსენებთ, რომ სამშაბათს რამოსმა რიგით მეასე გოლი გაიტანა მადრიდული კლუბის მაისურით.

“რამოსი ნამდვილად ერთ-ერთი საუკეთესოა. ის რასაც ეს ფეხბურთელი აკეთებს, რასაც წარმოადგენს, ნამდვილად დასაფასებელია. ვფიქრობ, ის ფეხბურთის ისტორიაში საუკეთესო მცველია,” – აცხადებს ფრანგი სპეციალისტი.

ზიდანმა კაზემიროსა და აზარის კორონავირუსით ინფიცირების თემაზეც გააკეთა კომენტარი – “რამდენადაც ვიცი, ისინი თავს კარგად გრძნობენ. სიმპტომები არ აღენიშნებათ, ყველაფერი რიგზეა.

აზარი ძლიერი ფეხბურთელია, რაც ყველამ ვიცით. მას რთული პერიოდი ჰქონდა, რაც ტრავმებით იყო განპირობებული. ყველაფრის მიუხედავად, ის დადებითად არის განწყობილი, რაც მნიშვნელოვანია, – აცხადებს ზინედინ ზიდანი.