ზიდანი: “როდესაც წასვლის დრო მოვა, წავალ, ფეხბურთელებს არაფერს დავაბრალებ”
მადრიდის “რეალის” მთავარმა მწვრთნელმა, ზინედინ ზიდანმა პრესასთან რამდენიმე მნიშვნელოვან საკითხზე ისაუბრა და აღნიშნა, რომ ყველანაირ პასუხისმგებლობას საკუთარ თავზე იღებს.
“მესმის, რომ “რეალში” სამუდამოდ ვერ დავრჩები. კლუბის სათავეში მოსვლის გადაწყვეტილება მე მივიღე და როდესაც დრო მოვა, კლუბს თავად დავტოვებ. ფეხბურთელს არაფერს დავაბრალებ. პასუხისმგებლობას სრულად ჩემს თავზე ვიღებ.
მოგებები უნდა დავიწყოთ – ეს კრიტიკოსების გაჩუმების ერთადერთი გზაა. დიდ კლუბში მუშაობას ასეთი თავისებურებები ახლავს თან, ან გაკრიტიკებენ ან იგებ.
რაც შეეხება “პარი სენ-ჟერმენს”, ეს კლუბი ერთ ადგილას არ ჩერდება, მუდმივად პროგრესირებს. “პარიზელები” ბრწყინვალე სეზონს ატარებენ და ეს სულაც არ მიკვირს. ემერი შესანიშნავად მუშაობს, შედეგები ყველაფერზე თავად მეტყველებენ,” – აცხადებს ზიდანი.
“რეალსა” და “პარი სენ-ჟერმენს” შორის გასამართი ორმატჩიანი დუელი 14 თებერვალს, “სანტიაგო ბერნაბეუზე” გაიხსნება.
