ზიდანი: “ვფიქრობ, ნეაპოლელები პირველივე წუთებიდან შეგვიტევენ, მათ გოლი აქვთ გასატანი”

ჩემპიონთა ლიგის 1/8-ფინალური ეტაპის განმეორებითი მატჩის წინ (“ნაპოლი” – “რეალი” (1:3), ზინედინ ზიდანმა პრესასთან ისაუბრა.

“ჩემპიონთა ლიგის მატჩების მოგება ყოველთვის რთულია. თანაც, ამჯერად ისეთი გუნდის წინააღმდეგ გვიწევს თამაში, რომელიც საშინაო არენაზე არც ისე ხშირად მარცხდება.

ამ არენაზე გამოსვლის გამოცდილება უკვე მაქვს და ვიცი, რომ ადვილი ნამდვილად არ არის. ფანები უდიდეს როლს ითამაშებენ, ისინი ფეხბურთელებს დამატებით მოტივაციას აძლევენ.

ვფიქრობ, “ნაპოლი” მატჩს აქტიურად დაიწყებს, გოლი აქვთ გასატანი. შაბათს, “რომასთან” მოპოვებული გამარჯვება მათ არ დაღლიდათ. როდესაც წინ ასეთი დიდი თამაშია, დაღლაზე საუბარი უბრალოდ ზედმეტია.

დარწმუნებული ვარ, რომ წინ მძიმე მატჩი გველის, თუმცა ამისთვის მზად ვართ,” – აცხადებს ფრანგი სპეციალისტი.