ზიდანის პირველი კომენტარი ჩემპიონთა ლიგის ფინალში გასვლის შემდეგ
მადრიდის “რეალმა” ჩემპიონთა ლიგის ნახევარფინალში “ბაიერნის” ბარიერი წარმატებით გადალახა და ზინედინ ზიდანის “ბლანკოსი” ზედიზედ მესამედ გავიდა ევროპის ყველაზე პრესტიჟული ტურნირის ფინალში.
“ახლა კი ნამდვილად გვაქვს მხიარულობის მიზეზი. ვიცი, რომ ძალიან გაგვიჭირდა ამ შედეგზე გასვლა, მაგრამ ეს გამარჯვებას კიდევ უფრო ლამაზს ხდის. ფეხბურთი ასეთია და როდესაც კარგად სრულდება, ყოველთვის უნდა აღნიშნო.
რომ შევაჯამო, ძალიან დიდი გუნდის წინააღმდეგ ვითამაშეთ და ბედნიერები ვართ, რომ ყველაფერი ისე დასრულდა, როგორც გვინდოდა. პლეი-ოფის სტადიაზე სამი უძლიერესი გუნდი დავამარცხეთ. გართულებების გარეშე ამის გაკეთება წარმოუდგენელია.
კარიმის თამაშით კმაყოფილი ვარ, მთელი მატჩის განმავლობაში თავდაუზოგავად მუშაობდა. რაც შეეხება კეილორს, მან ბრწყინვალე სეივები განახორციელა. ფინალამდე ძალიან კარგად უნდა დავისვენოთ,” -აცხადებს ფრანგი სპეციალისტი.
