ზიდანის პირველი სატრანსფერო მიზანი

თარიღი: მარტი 13, 2019

მადრიდის “რეალის” მთავარი მწვრთნელის პოსტზე დაბრუნებული ზინედინ ზიდანის პირველი სატრანსფერო მიზანი ცნობილია. როგორც “ლა გაძეტა დლეო სპორტის” ჟურნალისტი ნიკოლო შირა წერს, ფრანგ სპეციალისტს ლონდონის “ჩელსიდან” ნგოლო კანტეს გადმობირება სურს.

შეგახსენებთ, რომ მხარეებს შორის გაფორმებულ შრომით ხელშეკრულებას ძალა 2022 წლის ზაფხულამდე ექნება. ზიდანის წლიური ანაზღაურება 16 მილიონი ევრო იქნება.

როგორც მოგეხსენებათ, ფრანგი სპეციალისტი “სამეფო კლუბს” 2016 წლის იანვრიდან 2018 წლის მაისამდე თავკაცობდა. ამ არასრული სამი წლის განმავლობაში გუნდმა ცხრა ტიტული დაისაკუთრა, მათ შორის ზედიზედ სამჯერ ჩემპიონთა ლიგის გამარჯვებული გახდა, ერთხელ კი ესპანეთის პრიმერადივიზიონი მოიგო.

მსგავსი სიახლეები