ზიდანის “რეალმა” “დერბი მადრილენიოშიც” იმარჯვა (ვიდეო)
პირველ თებერვალს ლა ლიგის 22-ე ტურის ცენტრალურ შეხვედრას “სანტიაგო ბერნაბეუმ” უმასპინძლა – ესპანეთის სუპერთასის ფინალიდან რამდენიმე დღეში მადრიდული დერბი ლა ლიგის ეგიდითაც გაიმართა.
აღსანიშნავია, რომ “დერბი მადრილენიოს” ზინედინ ზიდანის გუნდი ძალიან მომზადებული და ორგანიზებული შეხვდა. როგორც პირველ ასევე შეხვედრის მეორე ნახევარშიც, მატჩის სადავეებს “ბლანკოსი” ფლობდა.
მართალია სტუმარი გუნდის დაცვა “რეალის” შეტევებს პირველ ნახევარში უმკლავდებოდა და მეორე ტაიმშიც საკმაოდ უჭირდა ზიდანის გუნდს “ატლეტიკოს” დაცვის ეშელონების დარღვევა, მაგრამ სტუმრებს მაინც გამოეპარათ ერთი კონტრშეტევა, რომელიც ფერლან მენდის საგოლე გადაცემითა და ბენზემას გოლით დასრულდა.
შეხვედრაში გადამწყვეტი სწორედ ბენზემას გოლი აღმოჩნდა, რისი წყალობითაც სანამ “ბარსელონა” თავის მატჩს ჩაატარებს, “რეალი” სატუნრირო ცხრილში პირველ ადგილსა და ექვსქულიან ჰანდიკაპს მოიპოვებს.
