ზიდანმა პოგბას “რეალში” შესაძლო ტრანსფერზე კომენტარი გააკეთა
მადრიდის “რეალში” დაბრუნებულმა ზინედინ ზიდანმა, ნავთს ცეცხლი დაასხა და პრესასთან საუბრისას პოლ პოგბას მიმართ სიმპატიების არსებობა არ დამალა. თავისმხრივ, შეგახსენებთ, რომ პოგბას ძველ ინტერვიუს, სადაც მან აღნიშნა, რომ ზიზუსთან მუშაობაზე ოცნებობს.
“პოგბა ძალიან მომწონს და ეს ყველამ იცის. მას ძალიან კარგად ვიცნობ. პოგბა განსაკუთრებული ფეხბურთელია გამორჩეული შესაძლებლობებით. მან იცის როგორ შეუტიოს და როგორ დაიცვას გუნდი.
თუმცა, მასზე მხოლოდ იმიტომ ვსაუბრობ, რომ თქვენ მკითხეთ. პოგბა ჩემი ფეხბურთელი არ არის. ის “მანჩესტერ იუნაიტედის” ღირსებას იცავს და ამას პატივი უნდა ვცეთ. ის ყოველთვის ამბობდა, რომ მადრიდი ძალიან მოსწონდა,” – დაამატა ფრანგმა სეპციალისტმა.
ამ ინტერვიუს შემდეგ, ესპანურმა გამოცემა Marca-მ განაცხადა, რომ პოგბას აგენტი მინო რაიოლა ორჯერ შეხვდა მადრიდული გრანდის ხელმძღვანელებს პოტენციურ ტრანსფერზე სასაუბროდ.
