ზლატან იბრაჰიმოვიჩმა “მანჩესტერ იუნაიტედს” ქულა გადაურჩინა (ვიდეო)

ინგლისური პრემიერ ლიგის 21-ე ტურის ცენტრალური მატჩი “ოლდ ტრაფორდზე” გაიმართა, სადაც ადგილობრივი “წითელი ეშმაკები” მერსესაიდიდან ჩამოსულ “წითლებს” დაუპირისპირდნენ.

ეს ერთობ პრინციპული დაპირისპირება სტუმართა უპირატესობით დაიწყო, ანგარიშიც იურგენ კლოპის ბიჭებმა გახსნეს (მილნერმა 11-მეტრიანი ნიშნულიდან), თუმცა, საბოლოოდ მატჩი მაინც ფრედ, 1-1 დასრულდა, რასაც “მანჩესტერ იუნაიტედის” ფანები ზლატან იბრაჰიმოვიჩის მიერ 84-ე წუთზე გატანილ გოლს უნდა უმადლოდნენ.

ინგლისის უმაღლესი ჩემპიონატის 21 ტურის შემდეგ, “ლივერპული” 45 ქულით მესამე პოზიციას იკავებს და შემდეგ მატჩს “სუონსის” წინააღმდეგ გამართავს. ჟოზე მოურინიოს გუნდი კი 40 ქულით მეექვსეა და მომდევნო ტურში “სტოკ სიტის” ეწვევა.

“მანჩესტერ იუნაიტედი”: დე ხეა; დარმიანი (ფელაინი76′), როხო, ჯონსი, ვალენსია; პოგბა, კერიკი (რუნი 46′), ერერა; მარსიალი, იბრაჰიმოვიჩი, მხითარიანი

მთავარი მწრთნელი: ჟოზე მოურინიო

“ლივერპული”: მინოლე; ალექსანდერ-არნოლდი, ლოვრენი, კლავანი, მილნერი; ვეინალდუმი, ჰენდერსონი, ჩანი; ფირმინო, ორიჯი (კოუტინიო 61), ლალანა

მთავარი მწვრთნელი: იურგენ კლოპი