ზლატანი ასაკის მატებასთან ერთად უფრო შედეგიანი გახდა

თარიღი: თებერვალი 21, 2017

ერთხელ ზლატან იბრაჰიმოვიჩმა თქვა, ღვინოს ვგავარ, რაც ასაკი მემატება, მით უკეთესი ვხდებიო. ძნელია, შვედ ფორვარდს არ დაეთანხმო, მით უფრო მაშინ, როდესაც მის სტატისტიკას გადავავლებთ თვალს.

კერძოდ, ზლატანმა ასაკის მატებასთან ერთად გოლების გატანასაც მოუმატა. შვედ თავდამსხმელს 30 წლის ასაკამდე ჩატარებულ 529 მატჩში 232 გოლი ჰქონდა გატანილი (მატჩში საშუალოდ 0,4 გოლი). მას შემდეგ, რაც 30 წელს გადააბიჯა, იბრაჰიმოვიჩმა 300 შეხვედრაში 246 გოლის გატანა მოახერხა (მატჩში საშუალოდ 0,8 გოლი).

ზლატან იბრაჰიმოვიჩს საკლუბო დონეზე 21 ტურნირზე უთამაშია. შვედ ფეხბურთელს კარიერის განმავლობაში ჩატარებულ 829 მატჩში 478 გოლი აქვს გატანილი, 184-ჯერ კი საგოლე გადაცემა გაუკეთებია.

Zlatan statistic

მსგავსი სიახლეები