ზლატანი: „კარიერის დასრულების შემდეგ ჩემი გოლების ინტერნეტში ხილვით დავტკბები“
„პარი სენ-ჟერმენის“ თავდამსხმელმა ზლატან იბრაჰიმოვიჩმა იმის შესახებ ისაუბრა, თუ როგორ ახერხებს გულშემატკივართა გახარებას მუდმივად ლამაზი გოლების გატანით.
„ბევრი განსაცვიფრებელი გოლი მაქვს გატანილი. როდესაც კარიერას დავასრულებ, ჩემს მიერ გატანილი ლამაზი გოლების ინტერნეტში ხილვით დავტკბები. ასეთი გოლების გატანაში სპეციალურად არ ვვარჯიშობ, მატჩის მიმდინარეობისას ინსტიქტურად ვიტან. როდესაც მეტოქესთან ორთაბრძოლაში შედიხარ, რაღაც უნდა მოიფიქრო.
ეს არის პატარა და დიდ გუნდებს შორის განსხვავება. დიდ გუნდებს შეუძლიათ, არაფრისგან საოცარი რამ შექმნან. ამიტომ არის ფეხბურთი ასეთი მიმზიდველი და არაპროგნოზირებადი.
ბევრი მეკითხება, ტაეკვანდოს ცოდნა მეხმარება თუ არა. შეიძლება მეხმარებოდეს კიდეც, თუმც ამაში დარწმუნებული არ ვარ“, – აღნიშნა იბრაჰიმოვიჩმა „პარი სენ-ჟერმენის“ ოფიციალური ტელეარხის ეთერში.
აქვე გთავაზობთ ზლატანის მიერ გატანილი საუკეთესო 50 გოლის ამსახველ ვიდეომასალას.
ბექა დოგრაშვილი
