ზლატანი: “პრემიერლიგაში გადასვლასთან ახლოს ორჯერ ვიყავი, თუმცა სხვა კლუბებში”
თარიღი: სექტემბერი 5, 2016
“მანჩესტერ იუნაიტედის” თავდამსხმელი ზლატან იბრაჰიმოვიჩი გამოტყდა, რომ ინგლისის პრემიერლიგაში გადაბარგება მანამდეც შეეძლო, თუმცა სხვა კლუბების რიგებში.
“პრემიერლიგაში გადასვლასთან ახლოს ორჯერ ვიყავი: ერთხელ “მანჩესტერ სიტიში”, მეორედ კი “არსენალში”, თუმცა ეს ტრანსფერები არ განხორციელდა და პრემიერლიგაში თამაში ჩემთვის არც იყო აუცილებელი.
ჟოზე მოურინიო კარგი მოტივატორია, ძალიან გონიერია. მან იცის, რა არის გასაკეთებელი მოსაგებად. “ინტერში” ყოფნის პერიოდში მისგან ბევრი რამ ვისწავლე. ვინ არ ისურვებდა მოურინიოს საკუთარ მწვრთნელად?” – ციტირებს იბრაჰიმოვიჩის სიტყვებს “სქაი სპორტსი”.
მსგავსი სიახლეები