ზლატანმა ამ სეზონში უფრო მეტი გამოიმუშავა, ვიდრე “აიაქსის” ყველა ფეხბურთელმა ერთად

“მანჩესტერ იუნაიტედის” ფეხბურთელთა ჯამაგირი ამსტერდამის “აიაქსის” მოთამაშეთა ანაზღაურებასთან შედარებით მართლაც შთამბეჭდავია.

მაგალითად, ზლატან იბრაჰიმოვიჩმა ამ სეზონში “ოლდ ტრაფორდზე” 19,1 მილიონი ფუნტ სტერლინგი გამოიმუშავა, როცა მისი ყოფილი კლუბის – “აიაქსის” მთელმა სამწვრთნელო შტაბმა და ყველა ფეხბურთელმა ერთად ანაზღაურების სახით ჯამში 18,1 მილიონი ფუნტი მიიღეს.

“მანჩესტერ იუნაიტედში” საშუალო ხელფასი 5,77 მილიონ ფუნტს შეადგენს, ხოლო “აიაქსში” ყველაზე მაღალანაზღაურებადი ფეხბურთელი დევი კლაასენი გახლავთ, რომელსაც სეზონის განმავლობაში 850 ათასი ფუნტი ეძლევა.

შეგახსენებთ, რომ ამსტერდამის “აიაქსი” და “მანჩესტერ იუნაიტედი” ერთმანეთს ევროპის ლიგის ფინალურ მატჩში დაუპირისპირდებიან. შეხვედრა 24 მაისს, შვედეთის დედაქალაქ სტოკჰოლმში ჩატარდება.